അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നല്ല രുചിയുള്ള ഭക്ഷണം എവിടെ കിട്ടിയാലും തേടിപ്പിടിച്ച് കഴിക്കാന്‍ പോകുന്ന കൂട്ടത്തില്‍ ആണ് നമ്മള്‍ മലയാളികള്‍. ഇങ്ങനെ പോകുന്നതില്‍ തട്ടുകടകള്‍ക്ക് ഒരു പ്രത്യേക സ്ഥാനം തന്നെയുണ്ട്. സാധാരണ എല്ലാവരും രാത്രികാലങ്ങളിലാണ് തട്ടുകളില്‍ പോയി കഴിക്കാറ് അല്ലേ?, എന്നാല്‍ നല്ല അടിപൊളി ബ്രേക്ക്ഫാസ്റ്റ് കിട്ടുന്ന തിരുവനന്തപുരത്തെ തട്ടുകടകള്‍ ഏതൊക്കെയാണെന്ന് നിങ്ങള്‍ക്കറിയാമോ? എങ്കില്‍പോരെ നല്ല് കിടിലന്‍ 5 സ്‌പോട്ടുകള്‍ നമുക്ക് പരിചയപ്പെടാം.
തിരുവനന്തപുരം സിറ്റിയില്‍ എത്തിയാല്‍ ബ്രേക്ക് ഫാസ്റ്റ് കഴിക്കാന്‍ പോകാവുന്ന ഈ അഞ്ച് തട്ടുകടകള്‍ പരിചയപ്പെടുത്തുന്നത് യൂട്യൂബിലെ ഡാന്‍സിങ് മൈന്‍ഡ്01 എന്ന ചാനലാണ്. ഒന്നാമത്തെ സ്‌പോട്ട് മധൂസ് കിച്ചന്‍ ആണ്. രാവിലെ ആറരയ്ക്ക് തന്നെ നല്ല ചൂട് ദോശയും രസവടയും പപ്പടവും ചമ്മന്തിയും സാമ്പാറും ഓംലെറ്റും ഒക്കെ കഴിക്കാന്‍ പറ്റുന്ന ഒരു കിടിലന്‍ സ്‌പോട്ട് ആണ് ഇത്. ലൊക്കേഷന്‍ വരുന്നത് കവടിയാര്‍ ടെന്നീസ് ക്ലബ്ബിന്റെ ബാക്ക് സൈഡിലാണ്.
രണ്ടാമത്തെ സ്‌പോട്ടാണ് വിനായക ടീ സ്റ്റാള്‍. ഇവിടെ രാവിലെ അഞ്ചരമണി മുതല്‍ ഇഡ്ഡലിയും ചമ്മന്തിയും ഒക്കെ കിട്ടും ഒമ്പതര മുതല്‍ പൂരിയും കറികളും ഒക്കെ നല്‍കിത്തുടങ്ങും. ലൊക്കേഷന്‍ പടിഞ്ഞാറെ കോട്ടയിലാണ്. മൂന്നാമത്തെ സ്‌പോട്ട് മനോഹരന്‍ ചേട്ടന്റെ ഇഡ്ഡലി കടയാണ്. രാവിലെ ആറര മണി മുതല്‍ ഇഡ്ഡലിയും ചമ്മന്തിയും സാമ്പാറും ദോശയും പപ്പടവും രസവടയും ഓംലെറ്റും ഒക്കെ കിട്ടും ഇവിടെ. ലൊക്കേഷന്‍ വരുന്നത് ചാലയ്ക്കകത്ത് സഭാവതി റോഡിലാണ്. റോളക്‌സ് ഹോട്ടലിന്റെ സൈഡിലൂടെയുളള വഴിയിലാണ് ഈ തട്ടുകടയുളളത്.
നാലാമത്തെ സ്‌പോട്ട് തൈക്കാട് നോര്‍ത്ത് ഓഫീസിന്റെ സമീപത്തുള്ള ഒരു ചെറിയ തട്ടുകടയാണ്. രാവിലെ ആറര മുതല്‍ അപ്പം, ഇടിയപ്പം, ദോശ, ഇഡ്ഡലി, സാമ്പാര്‍, വട, പപ്പടം തുടങ്ങി എല്ലാം കിട്ടും ഇവിടെ. അഞ്ചാമത്തെ സ്‌പോട്ട് സെക്രട്ടറിയേറ്റിന്റെ ബാക്കിലുളള ഹൗസിങ്ങ് കോഡ് ജംഗ്ഷനിലുളള ഒരു ചെറിയ തട്ടുകടയാണ്. രാവിലെ ആറര മുതല്‍ ദോശയും രസവടയും സാമ്പാറും പപ്പടവും ഒക്കെ കിട്ടും.
STORY HIGHLIGHTS: Breakfast spots in Thiruvananthapuram
