അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: വടക്കൻ ആന്ധ്രപ്രദേശിനും തെക്കൻ ഒഡിഷയ്ക്കും സമീപം സ്ഥിതി ചെയ്തിരുന്ന ന്യൂനമർദം ശക്തി പ്രാപിച്ചതിനാൽ ഈ ആഴ്ച കേരളത്തിൽ വ്യാപകമായി മഴ പെയ്യാൻ സാധ്യത. കാറ്റ്, ഇടിമിന്നൽ മുന്നറിയിപ്പുമുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇന്ന് യെലോ അലർട്ട് പ്രഖ്യാപിച്ചിട്ടുണ്ട്.
തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇടിമിന്നലോടു കൂടിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗത്തിൽ ശക്തമായ കാറ്റിനും സാധ്യതയുണ്ടെന്നു കേന്ദ്ര കാലാവസ്ഥാ വകുപ്പ് അറിയിച്ചു. മധ്യകേരള തീരം മുതൽ തെക്കൻ ഗുജറാത്ത് തീരം വരെ ന്യൂനമർദ പാത്തിയും സ്ഥിതി ചെയ്യുന്നതിൽ വടക്കൻ കേരളത്തിൽ മഴ ശക്തി പ്രാപിച്ചേക്കും. അറബിക്കടലിലും ബംഗാൾ ഉൾക്കടലിലും 45 മുതൽ 55 വരെ കി.മീ. വേഗമുള്ള കാറ്റിന് സാധ്യതയുള്ളതിനാ‍ൽ മത്സ്യത്തൊഴിലാളികൾ കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിനു പോകാൻ പാടില്ല. ഉയർന്ന തിരമാല സാധ്യതയുമുണ്ട്.
