പി.വി.അൻവർ എംഎൽഎയുടെ ആ​രോ​പ​ണ​ങ്ങ​ൾ: അന്വേഷണത്തിന് ഉന്നതതല സംഘം, സംസ്ഥാന പൊലീസ് മേധാവി തലവൻ

തി​രു​വ​ന​ന്ത​പു​രം: എ​ഡി​ജി​പി അ​ജി​ത് കു​മാ​റി​നെ​തി​രെ ഉ​യ​ർ​ന്നു വ​ന്ന ആ​രോ​പ​ണ​ങ്ങ​ൾ ഡി​ജി​പി ഷെ​യ്‌​ക് ദ​ർ​വേ​സ് സാ​ഹി​ബി​ന്‍റെ നേ​തൃ​ത്വ​ത്തി​ലു​ള്ള സം​ഘം അ​ന്വേ​ഷി​ക്കും. അ​ജി​ത് കു​മാ​റി​നെ എ​ഡി​ജി​പി സ്ഥാ​ന​ത്ത് നി​ല​നി​ർ​ത്തി​ക്കൊ​ണ്ട് ത​ന്നെ​യാ​ണ് അ​ന്വേ​ഷ​ണം ന​ട​ത്തു​ക.

ഡി​ജി​പി​യെ കൂ​ടാ​തെ ഐ​ജി‌ സ്‌​പ​ർ​ജ​ൻ കു​മാ​ർ, ഡി​ഐ​ജി തോം​സ​ൺ ജോ​സ്, എ​സ്‌​പിമാരായ മ​ധു​സൂ​ദ​ൻ, ഷാ​ന​വാ​സ് എ​ന്നി​വ​ര​ട​ങ്ങു​ന്ന ഉ​ന്ന​ത​ല സം​ഘ​മാ​ണ് അ​ന്വേ​ഷ​ണം ന​ട​ത്തു​ക. ഉന്നയിക്കപ്പെട്ട പരാതികളിലും ആരോപണങ്ങളിലും സംഘം അന്വേഷണം നടത്തും. ഒരു മാസത്തിനകം അന്വേഷണം പൂർത്തിയാക്കി സർക്കാരിന് റിപ്പോർട്ട് സമർപ്പിക്കണമെന്നാണ് മുഖ്യമന്ത്രി നിർദേശം നൽകിയത്.

മു​ഖ്യ​മ​ന്ത്രി ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തി​യ ശേ​ഷ​മാ​ണ് അ​ന്വേ​ഷ​ണ സം​ഘ​ത്തെ പ്ര​ഖ്യാ​പി​ച്ച​ത്. എ​ഡി​ജി​പി​യെ ക്ര​മ​സ​മാ​ധാ​ന ചു​മ​ത​ല​യി​ൽ നി​ന്ന് മാ​റ്റാ​തെ​യാ​ണ് ഉ​ന്ന​ത ത​ല സം​ഘം അ​ന്വേ​ഷ​ണം ന​ട​ത്തു​ക. മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി പി.​ശ​ശി​യെ​യും സ്ഥാ​ന​ത്ത് നി​ന്ന് മാ​റ്റി​ല്ല.

എം.​ആ​ർ.​അ​ജി​ത് കു​മാ​റി​നെ സ്ഥാ​ന​ത്ത് നി​ന്ന് മാ​റ്റി​യാ​ൽ പി.​ശ​ശി​യെ​യും മാ​റ്റേ​ണ്ടി വ​രും. ഇ​ത് പ്ര​തി​പ​ക്ഷം വ​ലി​യ ആ​യു​ധ​മാ​ക്കും. ഇ​ത് ഒ​ഴി​വാ​ക്കാ​നാ​ണ് ഇ​രു​വ​രെ​യും നി​ല​നി​ർ​ത്തി​ക്കൊ​ണ്ട് അ​ന്വേ​ഷ​ണം ന​ട​ത്താ​ൻ തീ​രു​മാ​നി​ച്ച​ത്.

അതേസമയം, പി.വി അൻവർ ഗുരുതര ആരോപണം ഉയർത്തിയ പത്തനംതിട്ട എസ്.പി സുജിത് ദാസിനെ സ്ഥലംമാറ്റി. സുജിത് ദാസിന് പുതിയ തസ്തിക നൽകാതെയാണ് സ്ഥലംമാറ്റം. സംസ്ഥാന പൊലീസ് മേധാവിക്ക് മുമ്പാകെ റിപ്പോർട്ട് ചെയ്യാനാണ് ഉത്തരവ്. എഡിജിപി അജിത് കുമാറിന്റേതിന് സമാനമായി സുജിത് ദാസിനെതിരെയും നിലവിൽ സർക്കാർ കടുത്ത നടപടി സ്വീകരിച്ചിട്ടില്ല.