അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിലെ പരദേശിബ്രാഹ്മണവിഭാഗങ്ങളിൽ ഒന്നാണ് എമ്പ്രാന്തിരി അഥവാ തുളു ബ്രാഹ്മണർ. തുളുദേശമെന്നു അറിയപ്പെട്ടിരുന്ന കർണാടകയിലെ ഉഡുപ്പിയിൽ നിന്നു കേരളത്തിൽ എത്തിയവരാണ് ഇവരുടെ പൂർവ്വികർ എന്നതിനാൽ ദേശനാമം ചേർത്ത് തുളുബ്രാഹ്മണർ എന്നും വിളിക്കാറുണ്ട്.
വടക്കൻ കേരളത്തിലെ തെയ്യ കാവുകളും ആയി ബന്ധപ്പെട്ട പള്ളിയറകളിൽ (ക്ഷേത്രം) മുഖ്യ കാർമികത്വം വഹിക്കുന്ന ബ്രാഹ്മണ ഇതര പുരോഹിത വിഭാഗം ആണ് എമ്പ്രാൻ. ഇവരെ ബഹുമാനത്തോടെ എമ്പ്രാശ്ശൻ, എമ്പ്രാൻ അച്ഛൻ എന്നിങ്ങനെയും അഭിസംബോധന ചെയ്യാറുണ്ട്. വൈഷ്ണവ ആരാധനക്രമം പിന്തുടരുന്നവർ ആണെങ്കിലും എമ്പ്രാന്മാർ പൂജാകർമ്മങ്ങൾ ചെയ്തുവന്നത് പ്രധാനമായും ഭഗവതി ക്ഷേത്രങ്ങളിലും ശാക്തേയ കാവുകളിലും ആണ്. കർണാടകത്തിൽ നിന്നു കേരളത്തിലേക്കു കുടിയേറിയ ഈ ബ്രാഹ്മണസമൂഹം പ്രധാനമായും വൈഷ്ണവധർമം പിന്തുടരുന്നു. അതുകൊണ്ടു തന്നെ എമ്പ്രാതിരി സമൂഹം പൂജാകർമ്മങ്ങൾ ചെയ്തുവന്നത് മഹാവിഷ്ണുക്ഷേത്രങ്ങളിലും കൃഷ്ണക്ഷേത്രങ്ങളിലും, മഹാവിഷ്ണു പ്രധാനിയായ യാഗങ്ങളിലും ആയിരുന്നു.കേരളത്തിലേക്കു എത്തിയിട്ട് വർഷങ്ങൾ കഴിഞ്ഞെങ്കിലും, കേരള എമ്പ്രാതിരി കുടുംബങ്ങളിൽ ഇപ്പോഴും പ്രധാനമായി ഉപയോഗിക്കുന്നത് അവരുടെ മാതൃഭാഷയായ തുളു ആണ്. എമ്പ്രാതിരിമാരെ എമ്പ്രാൻ എന്ന് പറയാറുണ്ടെങ്കിലും ഇവർക്ക് എമ്പ്രാൻ മാർ ആയിട്ട് പ്രത്യേകിച്ച് ബന്ധം ഒന്നും ഇല്ല. തുളു ബ്രാഹ്മണർ കേരളത്തിൽ എത്തിച്ചേർന്നതിനു ശേഷം തങ്ങളുടെ ആചാരങ്ങൾക്ക് സമാനമായ ആചാരങ്ങൾ ഉള്ള മറ്റൊരു സമുദായമായ നമ്പൂതിരി സമുദായത്തിലേക്കു മാറുകയോ നമ്പൂതിരി എന്ന ഉപനാമം സ്വീകരിക്കുകയോ ചെയ്തു. എങ്കിലും ഇപ്പോഴും എമ്പ്രാതിരി സമുദായത്തിൽ തന്നെ തുടർന്നു പോകുന്ന കുടുബങ്ങളും ഉണ്ട്. എമ്പ്രാന്തിരി എന്ന പേര് നിലനിർത്തി, തനി നമ്പൂതിരി തനിമയോടെ ആചാരാനുഷ്ഠാനങ്ങളും ആയി മലയാളം മാതൃഭാഷ ആയി ജീവിക്കുന്നവരാണ് ഇപ്പോൾ അധികവും. തുളു /കന്നഡ അറിയില്ല എന്നുതന്നെ പറയാം. കേരളത്തിൽ തുളുബ്രഹ്മണർ ആയ എമ്പ്രാതിരിമാരെ എമ്പ്രാൻ എന്ന് പറയാറുണ്ടെങ്കിലും ഇവർക്ക് വടക്കൻ കേരളത്തിലെ എമ്പ്രാൻ മാർ ആയിട്ട് പ്രത്യേകിച്ച് ബന്ധം ഒന്നും ഇല്ല . എമ്പ്രാൻ എന്ന വാക്ക് എന്റെ ഉടമസ്ഥൻ എന്ന അർത്ഥം വരുന്ന ‘എൻ പെരുമാൻ’ എന്ന ആദി ദ്രാവിഡ വാക്കി നിന്ന് ഉണ്ടായത് ആണ് , നമ്പുതിരി മാരെ പോലെ പാരമ്പര്യ തനിമയോടെ ആചാരാനുഷ്ഠാനങ്ങളും ആയി ജീവിക്കുന്നവരാണ് ഇവരും.
