പത്തനംതിട്ട ജില്ലയില്‍ മണിമല നദിയുടെ തീരത്ത് സ്ഥിതി ചെയ്യുന്ന ചരിത്ര പ്രസിദ്ധമായ ക്ഷേത്രമാണ് കവിയൂര്‍ തൃക്കാക്കുടി ക്ഷേത്രം. കേരളത്തില്‍ മൂന്ന് ക്ഷേത്രങ്ങളാണ് പാറകള്‍ വെട്ടി നിര്‍മ്മിച്ചിരിക്കുന്നത്. അതില്‍ ഒന്നാണ് ഈ പുണ്യ സന്നിധി. ശിവനാണ് ക്ഷേത്രത്തിലെ പ്രധാന പ്രതിഷ്ഠ. ശിവനു പുറമേ ഗണപതി, മഹര്‍ഷി, ദ്വാരപാലകര്‍ എന്നിവരുടെ വിഗ്രഹങ്ങളും ക്ഷേത്രത്തില്‍ കാണാം. ഈ ക്ഷത്രത്തിലെ ശിവ ഭഗവാന്റെ ദര്‍ശനം തെക്ക് ദിശയിലേക്കാണ്.
തിരുവിതാംകൂര്‍ ദേവസ്വം ബോര്‍ഡിന്റെ ഉടമസ്ഥതയിലാണീ ക്ഷേത്രം. പാറതുരന്ന് 20 അടി വ്യാസത്തില്‍ ഗര്‍ഭഗ്രഹവും അതിന്റെ മദ്ധ്യത്തിലായി മൂന്നരയടി പൊക്കത്തില്‍ വലിയ ശിവലിംഗവും പ്രതിഷ്ഠിച്ചിട്ടുണ്ട്. ഗര്‍ഭഗൃഹത്തിലേക്ക് പ്രവേശിക്കുവാനായി നാല് അടി വീതിയില്‍ 20 അടി നീളത്തില്‍ അര്‍ദ്ധ മണ്ഡപവും മധ്യത്തിലായി കല്‍പ്പടവുകളും നിര്‍മ്മിച്ചിട്ടുണ്ട്. അര്‍ദ്ധ മണ്ഡപത്തിന്റെ ചുവരുകളില്‍ ഗര്‍ഭ ഗൃഹ പ്രവേശനത്തിന്റെ ഇരുവശങ്ങളിലുമായി രണ്ട് ദ്വാരപാലകന്‍മ്മാര്‍. വടക്കേ ചുവരില്‍ ഗണപതി തെക്കേ ചുവരില്‍ ജഡാധാരിയായ മുനി എന്നിവരുടെ ശില്‍പങ്ങളും കാണാം.
STORY HIGHLIGHTS: Thrikkakkudi Cave Temple