അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂർ: ബംഗളൂരിൽ നിന്ന് കണ്ണൂരിലെത്തിയ ബേക്കറി ഉടമയെ തട്ടിക്കൊണ്ടുപോയി ഒമ്പതു ലക്ഷം രൂപ കവർന്നതായി പരാതി. എച്ചൂർ സ്വദേശി റഫീഖിനെയാണ് ഒരു സംഘം തട്ടിക്കൊണ്ടു പോയി പണം കവർന്നത്. പിന്നിൽ തൻ്റെ കടയിലെ ജീവനക്കാരനെ സംശയിക്കുന്നതായി റഫീഖ് പറഞ്ഞു.
പുലർച്ചെ ഏച്ചൂരിൽ ബസിറങ്ങിയപ്പോഴാണ് ആക്രമണമുണ്ടായത്. ബംഗളൂരുവിൽ ബേക്കറി നടത്തുകയാണ് റഫീഖ്. ഇവിടെ നിന്നും ബസിൽ ഏച്ചൂർ കമാൽ പീടികയിലെത്തിയ റഫീഖിനെ കാറിലെത്തിയ സംഘം ഭീഷണിപ്പെടുത്തി തട്ടിക്കൊണ്ടുപോയി എന്നാണ് പരാതി. തുടർന്ന് ക്രൂരമായി മർദിച്ച ശേഷം കൈയിലുണ്ടായിരുന്ന ഒമ്പത് ലക്ഷം രൂപ തട്ടിയെടുത്തെന്നും റഫീഖ് പറയുന്നു. മുഖംമൂടി ധരിച്ചായിരുന്നു സംഘം എത്തിയതെന്ന് റഫീഖ് പറഞ്ഞു.
പണം കവർന്നതിന് ശേഷം റഫീഖിനെ കാപ്പാട് ഉപേക്ഷിച്ച് സംഘം രക്ഷപ്പെട്ടു. ഇതിലൂടെ കടന്നുപോയ ഓട്ടോറിക്ഷ ഡ്രൈവറാണ് റഫീഖിനെ വീട്ടിലെത്തിച്ചത്. ഭാര്യയുടെ പണയം വെച്ച സ്വർണം തിരിച്ചെടുക്കാനായി കൊണ്ടുവന്ന പണമാണ് സംഘം തട്ടിയെടുത്തതെന്നും റഫീഖ് പറയുന്നു.
നാലു പേരാണ് അക്രമിസംഘത്തിൽ ഉണ്ടായിരുന്നത്. ഇവർ മുഖംമൂടി ധരിച്ചിരുന്നു. ബംഗളൂരുവിലെ തൻ്റെ ബേക്കറിയിൽ ജോലി ചെയ്യുന്ന കോഴിക്കോട് സ്വദേശിയാണ് തട്ടിക്കൊണ്ട് പോകലിന് പിന്നിൽ എന്ന് സംശയിക്കുന്നതായും റഫീഖ് പറഞ്ഞു. സംഭവത്തിൽ ചക്കരക്കൽ പോലീസ് അന്വേഷണം തുടങ്ങി.
