സുല്‍ത്താന്‍ ബത്തേരി: മുത്തങ്ങ ചെക്ക് പോസ്റ്റില്‍ മെത്താഫിറ്റാമിനുമായി യുവാവ് പിടിയില്‍. ഓണത്തോട് അനുബന്ധിച്ച് വയനാട് അതിര്‍ത്തികള്‍ വഴി സംസ്ഥാനത്തേക്ക് മയക്കുമരുന്ന് കടത്ത് വര്‍ധിക്കാനിടയുള്ള സാഹചര്യത്തില്‍ എക്‌സൈസ് വകുപ്പ് നടത്തുന്ന പ്രത്യേക പരിശോധനയിലാണ് ലഹരിയുമായി യുവാവ് പിടിയിലായത്.
മലപ്പുറം തിരൂര്‍ എടയൂര്‍ താഴത്തെ പള്ളിയാലില്‍ വീട്ടില്‍ മുഹ്‌സിന്‍ ഫയാസ് നാജി (26) എന്നയാളാണ് മുത്തങ്ങ ചെക്ക് പോസ്റ്റില്‍ പിടിയിലായത്. ഇയാളില്‍ നിന്ന 0.6 ഗ്രാം മെത്താംഫിറ്റമിനാണ് പിടിച്ചെടുത്തിട്ടുള്ളത്.