അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡല്‍ഹി: ഏറ്റവുംകൂടുതല്‍ ദുരുപയോഗംചെയ്യപ്പെടുന്ന നിയമങ്ങളാണ് ഗാര്‍ഹികപീഡനം, ഭാര്യയോടുള്ള ക്രൂരത എന്നിവയെന്ന് സുപ്രീംകോടതി. ദാമ്പത്യതര്‍ക്ക കേസ് പരിഗണിക്കുന്നതിനിടെയാണ് ജസ്റ്റിസ് ബി.ആര്‍. ഗവായ് അധ്യക്ഷനായ ബെഞ്ച് ഇക്കാര്യം വാക്കാല്‍ നിരീക്ഷിച്ചത്.
പഴയൊരു കേസ് ഉദാഹരണമായി ചൂണ്ടിക്കാട്ടിയാണ് ജസ്റ്റിസ് ഗവായ് ഇക്കാര്യം വിശദീകരിച്ചത്. ഒരുദിവസംപോലും ഒന്നിച്ചുകഴിയാത്ത ഭര്‍ത്താവ് അന്‍പതുലക്ഷം രൂപ ഭാര്യക്ക് ജീവനാംശംനല്‍കേണ്ടിവന്ന സംഭവം ഗവായ് ഓര്‍മ്മിച്ചു. ഭാര്യയോടുള്ള ക്രൂരത (ഐ.പി.സി. 498-എ) എക്കാലത്തും ചര്‍ച്ചയാണ്. ഭര്‍ത്താവിന്റെയും ഭര്‍ത്തൃവീട്ടുകാരുടെയും പേരില്‍ ക്രിമിനല്‍ക്കേസ് നല്‍കാന്‍ സ്ത്രീകള്‍ പലപ്പോഴും ഇത് ദുരുപയോഗംചെയ്യുന്നതായി കോടതികളില്‍ വിമര്‍ശനമുയരാറുണ്ട്.
content highlight: domestic-violence-law-among-most-abused-laws-supreme-court
