പീ​ഡ​ന​പ​രാ​തി; രഞ്ജിത്തിനെ ചോദ്യം ചെയ്ത് പ്രത്യേക അന്വേഷണ സംഘം

കൊ​ച്ചി: പീ​ഡ​ന​പ​രാ​തി​യി​ൽ സം​വി​ധാ​യ​ക​ൻ ര​ഞ്ജി​ത്തി​നെ പ്ര​ത്യേ​ക അ​ന്വേ​ഷ​ണ​സം​ഘം ചോ​ദ്യം ചെ​യ്തു. കൊച്ചിയിലെ ഓഫീസില്‍ വിളിച്ചുവരുത്തിയായിരുന്നു ചോദ്യം ചെയ്യല്‍. ബം​ഗാ​ളി ന​ടി​യു​ടെ പ​രാ​തി​യി​ലും കോ​ഴി​ക്കോ​ട്ടെ യു​വാ​വി​ന്‍റെ പ​രാ​തി​യി​ലും ര​ഞ്ജി​ത്തി​നെ​തി​രെ ര​ണ്ട് കേ​സു​ക​ളാ​ണ് പോ​ലീ​സ് ര​ജി​സ്റ്റ​ര്‍ ചെ​യ്തി​രി​ക്കു​ന്ന​ത്.

ര​ണ്ടി​ലും ര​ഞ്ജി​ത്തി​ന് മു​ൻ​കൂ​ർ ജാ​മ്യം ല​ഭി​ച്ചി​രു​ന്നു. പ്ര​ത്യേ​ക അ​ന്വേ​ഷ​ണ​സം​ഘ​ത്തി​ന്‍റെ കൊ​ച്ചി​യി​ലെ ഓ​ഫീ​സി​ലേ​ക്ക് ര​ഞ്ജി​ത്തി​നെ വി​ളി​ച്ചു​വ​രു​ത്തി​യാ​ണ് ചോ​ദ്യം ചെ​യ്ത​ത്. ചോദ്യം ചെയ്ത് വിട്ടയച്ചെങ്കിലും രഞ്ജിത്ത് മാധ്യമങ്ങളോട് പ്രതികരിച്ചില്ല.

പാ​ലേ​രി മാ​ണി​ക്യം സി​നി​മ​യി​ൽ അ​ഭി​ന​യി​ക്കാ​ൻ എ​ത്തി​യ​പ്പോ​ൾ സം​വി​ധാ​യ​ക​ൻ ര​ഞ്ജി​ത്ത് മോ​ശ​മാ​യി പെ​രു​മാ​റി​യെ​ന്നാ​ണ് ബം​ഗാ​ളി ന​ടി​യു​ടെ പ​രാ​തി. കൊച്ചിയിലെ ഫ്ലാറ്റില്‍ വെച്ച് സിനിമയുടെ ഓഡിഷനെത്തിയ നടിയുടെ കൈകളും വളകളിലും സ്പര്‍ശിക്കുകയും പിന്നീട് കഴുത്തിലും മുടിയിലും സ്പര്‍ശിക്കുകയും ചെയ്തു, തന്നോട് അപമര്യാദയായി പെരുമാറി എന്നുമായിരുന്നു നടിയുടെ പരാതി.

സി​നി​മ​യി​ൽ അ​വ​സ​രം ചോ​ദി​ച്ചെ​ത്തി​യ ത​ന്നോ​ട് 2012 ൽ ​ബം​ഗ​ളൂ​രു​വി​ൽ വ​ച്ച് ര​ഞ്ജി​ത്ത് അ​പ​മ​ര്യാ​ദ​യാ​യി പെ​രു​മാ​റി എ​ന്നാ​ണ് കോ​ഴി​ക്കോ​ട് സ്വ​ദേ​ശി​യാ​യ യു​വാ​വി​ന്‍റെ പ​രാ​തി. പരാതി നല്‍കിയശേഷം സിനിമ മേഖലയിലെ പരാതികൾ അന്വേഷിക്കാൻ രൂപീകരിച്ച പ്രത്യേക പൊലീസ് സംഘത്തിന് യുവാവ് മൊഴി നൽകിയിരുന്നു. കോഴിക്കോട് സിനിമാ ഷൂട്ടിങ്ങിനിടയിലാണ് സംവിധായകനെ പരിചയപ്പെട്ടതെന്ന് യുവാവ് പറയുന്നു.