‘കൊല്ലപ്പെട്ട ഡോക്ടർക്ക് നീതികിട്ടണം, മുഖ്യമന്ത്രി സ്ഥാനം രാജി വയ്ക്കാനും തയ്യാർ’; പ്രതിഷേധക്കാരോട് മമത

കോ​ൽ​ക്ക​ത്ത: ആ​ർ.​ജി ക​ർ മെ​ഡി​ക്ക​ൽ കോ​ള​ജി​ൽ വ​നി​താ ഡോ​ക്ട​ർ പീ​ഡ​ന​ത്തി​നി​ര​യാ​യി കൊ​ല്ല​പ്പെ​ട്ട​തി​ൽ പ്ര​തി​ഷേ​ധം ശ​ക്ത​മാ​യി തു​ട​രു​ന്ന​തി​നി​ടെ രാ​ജി​സ​ന്ന​ദ്ധ​ത അ​റി​യി​ച്ചു മു​ഖ്യ​മ​ന്ത്രി മ​മ​താ ബാ​ന​ർ​ജി. സ​മ​രം ഒ​ത്തു​തീ​ർ​പ്പാ​ക്കാ​നാ​യി ഡോ​ക്ട​ർ​മാ​രെ നി​ര​ന്ത​രം ച​ർ​ച്ച​യ്ക്ക് വി​ളി​ച്ചി​ട്ടും അ​വ​ർ ച​ർ​ച്ച​ക്ക് എ​ത്താ​ത്ത​തി​നെ തു​ട​ർ​ന്നാ​ണ് മ​മ​ത രാ​ജി സ​ന്ന​ദ്ധ​ത അ​റി​യി​ച്ച​ത്.

ചർച്ചയുടെ തത്സമയ സംപ്രേക്ഷണം നടത്തണമെന്ന തങ്ങളുടെ ആവശ്യം അംഗീകരിക്കാത്തതോടെ മുഖ്യമന്ത്രിയുള്ള ചർച്ചയ്ക്കെത്താൻ ഡോക്ടർമാർ വിസമ്മതിച്ചു. ഇതിനെ തുടർന്നാണ് മമത ഇക്കാര്യം വ്യക്തമാക്കിയത്.

ആർജി കർ മെഡിക്കൽ കോളേജിൽ വനിതാ ഡോക്ടറെ കൊലപ്പെടുത്തിയ സംഭവത്തിൽ പ്രതിഷേധിച്ച ഡോക്ടർമാർ വൈകിട്ട് അഞ്ച് മണിയോടെ വേദിയിലെത്തി. എന്നാൽ അവരുടെ ആവശ്യം സർക്കാർ നിരസിച്ചതിനാൽ അവർ അകത്തേക്ക് പ്രവേശിക്കാൻ വിസമ്മതിച്ചു. എന്നാൽ ഡോക്ടർമാരുടെ മറ്റ് ആവശ്യങ്ങൾ മമതാ ബാനർജി അം​ഗീകരിച്ചിരുന്നു.

‘ജനങ്ങളുടെ താത്പര്യം കണക്കിലെടുത്ത് സ്ഥാനമൊഴിയാൻ ഞാൻ തയ്യാറാണ്. എനിക്ക് മുഖ്യമന്ത്രി സ്ഥാനം വേണ്ട. കൊല്ലപ്പെട്ട വനിതാ ഡോക്ടർക്ക് നീതി ലഭിക്കണം. സാധാരണക്കാർക്ക് ചികിത്സ ലഭിക്കണമെന്നും ഞാൻ ആഗ്രഹിക്കുന്നു. ബംഗാളിലെ ജനങ്ങളുടെ വികാരത്തോട് ഞാൻ മാപ്പ് ചോദിക്കുന്നു.’ ജൂനിയർ ഡോക്ടർമാരുടെ സംഘത്തിനായുള്ള രണ്ട് മണിക്കൂർ കാത്തിരിപ്പിന് ശേഷം മുഖ്യമന്ത്രി വാർത്താസമ്മേളനത്തിൽ പറഞ്ഞു.

കാ​ര്യ​ങ്ങ​ള്‍ ഡോ​ക്ട​ർ​മാ​രെ ബോ​ധ്യ​പ്പെ​ടു​ത്താ​ൻ ശ്ര​മി​ച്ചു.​ പ്ര​ക്ഷോ​ഭ​ങ്ങ​ൾ​ക്ക് പി​ന്നി​ൽ രാ​ഷ്ട്രീ​യ താ​ത്പ​ര്യ​ങ്ങ​ളു​ണ്ടെ​ന്നും മ​മ​ത പ​റ​ഞ്ഞു. ജ​ന​ങ്ങ​ളു​ടെ താ​ത്പ​ര്യം ക​ണ​ക്കി​ലെ​ടു​ത്ത് രാ​ജി​ക്ക് ത​യാ​റാ​ണെ​ന്നാ​ണ് മു​ഖ്യ​മ​ന്ത്രി വ്യ​ക്ത​മാ​ക്കി​യ​ത്. എ​ന്നാ​ൽ ഇ​തെ​ക്കു​റി​ച്ച് തൃ​ണ​മൂ​ൽ കോ​ൺ​ഗ്ര​സ് പ്ര​തി​ക​രി​ച്ചി​ട്ടി​ല്ല.

അതേസമയം പ്രതിഷേധം തണുപ്പിക്കാനുള്ള ശ്രമങ്ങളുടെ കൂടി ഭാഗമായി ബലാൽസം​ഗ കേസ് പ്രതികൾക്ക് വേഗത്തിൽ ശിക്ഷ ഉറപ്പാക്കുന്ന നിയമ ഭേ​​ദ​ഗതി നേരത്തെ ബം​ഗാൾ സർക്കാർ പാസാക്കിയിരുന്നു. ‘അപരാജിത വുമൺ ആൻഡ് ചൈൽഡ് ബിൽ 2024′ സെപ്തംബർ 3 ന് നിയമസഭയിൽ അവതരിപ്പിച്ച് മമത സർക്കാർ പാസാക്കിയെടുത്തിരുന്നു. പ്രത്യേക നിയമസഭാ സമ്മേളനം വിളിച്ചാണ്’അപരാജിത വുമൺ ആൻഡ് ചൈൽഡ് ബിൽ 2024’ പാസാക്കിയത്. ബലാത്സംഗ കേസ് പ്രതികൾക്ക് ജീവപര്യന്തം തടവുശിക്ഷയും, ഇര കൊല്ലപ്പെട്ടാൽ വധശിക്ഷയും ഉറപ്പാക്കുന്നതാണ് നിയമ ഭേദഗതി. ബിൽ പാസാക്കി ​ഗവർണർക്ക് അയച്ചു നൽകിയിട്ടുണ്ട്. ​ഗവർണർ ഒപ്പിട്ടില്ലെങ്കിൽ രാജ്ഭവന് മുന്നിൽ സമരമിരിക്കുമെന്നടക്കം മമത നേരത്തെ പ്രഖ്യാപിച്ചിരിട്ടുണ്ട്.