അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ ചുരുങ്ങിയ കാലം കൊണ്ട് തന്നെ സിനിമ രംഗത്ത് തന്റേതായ ഒരിടം കണ്ടെത്താൻ സാധിച്ച നടിയാണ് മധുബാല. തെന്നിന്ത്യൻ സിനിമ ലോകത്ത് അവർ ഒരുകാലത്ത് സെൻസേഷൻ ആയിരുന്നു. കൈ വച്ചതെല്ലാം തുടരെത്തുടരെ ഹിറ്റുകൾ. ഭാഗ്യനായിക ആയായിരുന്നു അവർ അക്കാലത്ത് അറിയപ്പെട്ടിരുന്നത്. മികച്ച കഥാപാത്രങ്ങൾ പലതും ചെയ്തിട്ടുണ്ടെങ്കിലും റോജയിലെ കഥാപാത്രം പ്രേക്ഷകർക്ക് എന്നും പ്രിയപ്പെട്ടതാണ്. മലയാളത്തിൽ യോദ്ധയിൽ നായികയായി എത്തിയപ്പോഴും ആ സിനിമയും സൂപ്പർഹിറ്റ്. തൊണ്ണൂറുകളിൽ ഏറ്റവും തിരക്കേറി നിൽക്കുന്ന സമയത്താണ് മധുബാല വിവാഹിതയാകുന്നത്. പിന്നീട് അങ്ങോട്ട് ഒരു ഇടവേള എടുക്കുകയായിരുന്നു. 2008 ൽ അഭിയന രംഗത്ത് വീണ്ടും സജീവമാകാൻ ആരംഭിച്ചു. ഇപ്പോള്‍ അഭിനയത്തില്‍ മാത്രമല്ല ടിവി ഷോകളിലും സോഷ്യല്‍ മീഡിയയിലും എല്ലാം വളരെ അധികം സജീവമാണ് നടി.
അമ്പത്തിയഞ്ചുകാരിയായ താരത്തിന്റെ ഒരു എയർപോർട്ട് വീ‍ഡിയോയാണ് ഇപ്പോൾ ശ്രദ്ധനേടുന്നത്. കഴിഞ്ഞ ദിവസം താരം മുംബൈ എയർപോട്ടിൽ വന്നിറങ്ങിയതിന്റെ ദൃശ്യങ്ങൾ ഒരു ബോളിവുഡ് പാപ്പരാസി ചാനലിന്റെ സോഷ്യൽമീഡിയ പേജിലാണ് പ്രത്യക്ഷപ്പെട്ടത്.
ബ്ലാക്ക് സ്കിന്നി ജീൻസും കറുത്ത ഫുൾ സ്ലീവ് ടോപ്പും കാർഡിഗനുമായിരുന്നു മാധുവിന്റെ വേഷം. ഒപ്പം പേസ്റ്റൽ നിറത്തിലുള്ള ലോങ് ബൂട്ടും മാധു ധരിച്ചിരുന്നു. അമ്പത്തിയഞ്ചിലും ശരീരത്തിൻരെ ഫിറ്റ്നസ് മാധു കാത്തുസൂക്ഷിക്കുന്നുണ്ട്. അനാവശ്യ ശരീരഭാരം നിലനിർത്തുന്നതിനോട് താൽപര്യമില്ലാത്തതിനാൽ കൃത്യമായ ഫിറ്റ്നസ് മാധു ഫോളോ ചെയ്യുന്നുണ്ട്.
നടിയുടെ എയർപോട്ട് വീഡിയോ ശ്രദ്ധിക്കപ്പെട്ടപ്പോൾ പരിഹാസ കമന്റുകളാണ് ഏറെയും കമന്റ് ബോക്സിൽ നിറഞ്ഞത്. നടിയുടെ നടത്തത്തിന് എന്തോ വശപിശകുണ്ടെന്നാണ് സോഷ്യൽമീഡിയയുടെ കണ്ടെത്തൽ. നടത്തത്തിൽ ഒരു ബാലൻസ് ഇല്ലാത്തതായി തോന്നുന്നുവെന്നും മധുബാലയ്ക്ക് എന്തുപറ്റി..? നടക്കാൻ പോലും ബുദ്ധിമുട്ടുന്നല്ലോ..? എന്നിങ്ങനെ എല്ലാം കമന്റുകളുണ്ട്. എന്നാൽ അത് ആരോഗ്യപ്രശ്നങ്ങൾ കൊണ്ടുള്ള ബുദ്ധിമുട്ടല്ലെന്നും ശീലമില്ലാത്ത ഷൂസ് ധരിച്ചതിന്റെ പരിണിത ഫലമാണെന്നും ചിലർ കുറിച്ചു.
ശരീര ഭാരത്തെക്കാൾ കൂടുതലാണ് നടിയുടെ ഷൂവിന്റെ ഭാരമെന്നും കമന്റുകളുണ്ട്. ചിലർ താരത്തെ വസ്ത്രത്തെയും വിമർശിച്ചു. ശീതകാലാവസ്ഥയുള്ള രാജ്യങ്ങളിൽ ഉപയോഗിക്കുന്ന കാർഡിഗൻ പോലുള്ള ധരിച്ച് മുംബൈയിലെ ചൂടൻ കാലാവസ്ഥയിൽ നടക്കുന്നതിനായിരുന്നു പരിഹാസം. അഴകന്‍ എന്ന സിനിമയിലൂടെ അഭിനയാരങ്ങേറ്റം കുറിച്ച മാധു തൊണ്ണൂറുകളില്‍ സിനിമയിൽ സജീവമായിരുന്നു.
റോജ, ജെന്റില്‍മാന്‍ പോലുള്ള സിനിമകളിലെ അഭിനയമാണ് നടിയെ കൂടുതല്‍ ശ്രദ്ധേയയാക്കിയത്. 1999ലാണ് ആനന്ദ് ഷാ എന്നയാളെ മാധു വിവാഹം ചെയ്യുന്നത്. ഒരു ഫോട്ടോഷൂട്ടിനിടയില്‍ കണ്ടുമുട്ടുകയും പ്രണയത്തിലാവുകയുമായിരുന്നു. രണ്ട് പെണ്‍മക്കളാണ് ദമ്പതികള്‍ക്ക്. അമയയും കെയിയയും. അതിൽ മുതിർന്നയാൾക്ക് 23 വയസായി. കല്യാണം കഴിഞ്ഞിട്ട് 25 വർഷമായി.
എന്നാലും ഞങ്ങൾ വഴക്ക് കൂടുമ്പോൾ ഞാൻ പറയാറുണ്ട്… നിങ്ങൾ എന്നെ കല്യാണം കഴിച്ചത് ഷോറൂമിൽ ഇരിക്കുന്ന ബിഎംഡബ്ലിയു കാർ കണ്ട് ഇഷ്ടപ്പെട്ട് വാങ്ങിയതുപോലെ അല്ലേയെന്ന്. ഞാൻ ഒരുപാട് നടന്മാരുടെ കൂടെ അഭിനയിച്ചിട്ടുണ്ട്.
അവർക്ക് ഇന്നൊരാളോട് പ്രണയം തോന്നിയാൽ നാളെ അത് ഉണ്ടാവണമെന്നില്ല. അത് വേറെ ആളോട് ആയിരിക്കും. ഇങ്ങനെ കുറെ കാര്യങ്ങൾ ഞാൻ ലൈഫിൽ കണ്ടതാണ്. അതുകൊണ്ട് ഒരു നടനെ കല്യാണം കഴിക്കില്ലെന്ന് ഞാൻ ഉറപ്പിച്ചിരുന്നു.
ആനന്ദിനെ കണ്ടപ്പോൾ അദ്ദേഹത്തിന് പ്രണയലേഖനം എഴുതാനോ റോസാപ്പൂവ് കൊടുത്ത് പ്രൊപ്പോസ് ചെയ്യാനോ ഒന്നും അറിയാത്ത ആളാണെന്ന് മനസിലായി. ഞാൻ എങ്ങനെയാണോ അതിന്റെ ഓപ്പോസിറ്റായ ആളാണ്. പക്ഷെ ഭയങ്കര ജനുവിനായ ആളാണ് എന്നാണ് ഭർത്താവിനെ കുറിച്ച് ഒരിക്കൽ മാധു പറഞ്ഞത്.
content highlight: madhubala new video
