അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഓണാഘോഷ ആരവങ്ങൾക്കിടയിൽ തന്റെ മലയാളി ആരാധകർക്ക് വൻ സർപ്രൈസുമായി എത്തിയിരിക്കുകയാണ് സൂപ്പർ സ്റ്റാർ രജനികാന്ത്. ലോകേഷ് കനകരാജ് ചിത്രമായ കൂലി സിനിമ സെറ്റിൽ നിന്നുമുള്ള റീൽസ് വീഡിയോയാണ് പുറത്തുവന്നിരിക്കുന്നത്. മുണ്ടും ഷർട്ടും കൂളിംഗ് ഗ്ലാസും ധരിച്ച് മലയാളി തനിമയിൽ ആണ് രജനികാന്ത് വീഡിയോയിൽ എത്തിയിരിക്കുന്നത് . അദ്ദേഹത്തിന്റെ തന്നെ വേട്ടയ്യൻ എന്ന ചിത്രത്തിലെ മനസിലായോ ഗാനത്തിനാണ് രജനികാന്ത് ചുടുവയ്ക്കുന്നത്.
കൂലിയുടെ സെറ്റിൽ നിന്ന് ഗംഭീരമായി ഓണം ആഘോഷിക്കുന്ന സൂപ്പർ താരം, എന്ന കുറിപ്പുമായാണ് സൺ പിക്ചേഴ്സ് വീഡിയോ പുറത്തിറങ്ങിയിരിക്കുന്നത്. കമന്റ് ബോക്സിൽ എങ്ങും മലയാളികളുടെ ആശംസാ പ്രവാഹമാണ്.
നിലവില്‍ ചിത്രീകരണം പുരോഗമിക്കുന്ന കൂലിയില്‍ മലയാളത്തിന്‍റെ പ്രിയ താരം സൗബിന്‍ ഷാഹിറും പ്രധാന വേഷത്തില്‍ എത്തുന്നുണ്ട്. ദയാൽ എന്ന കഥാപാത്രത്തെയാണ് സൗബിന്‍ അവതരിപ്പിക്കുന്നത്. നേരത്തെ പുറത്തു വന്ന സൗബിന്റെ ക്യാരക്റ്റർ ലുക്ക് ഏറെ ശ്രദ്ധിക്ക പ്പെടുകയും ചർച്ചയാകുകയും ചെയ്തിരുന്നു. സിനിമയിൽ നാഗാര്‍ജുനയും പ്രധാന വേഷത്തില്‍ എത്തുന്നുണ്ട്.
ഒരിടവേളയ്ക്ക് ശേഷം നടന്‍ സത്യരാജും രജനികാന്തും ഒന്നിക്കുന്ന ചിത്രമാണ് കൂലി. മലയാളിയായ ഗിരീഷ് ഗംഗാധരന്‍ ഛായാഗ്രഹണം നിര്‍വഹിക്കുന്ന സിനിയുടെ സംഗീതം ഒരുക്കുന്നത് അനിരുദ്ധ് ആണ്. കൂലി അടുത്ത വര്‍ഷം തിയറ്ററില്‍ എത്തും.
വന്‍ താരനിര അണിനിരക്കുന്ന രജനികാന്ത് ചിത്രമാണ് വേട്ടയ്യന്‍. ഒക്‌ടോബർ 10 ന് ചിത്രം പ്രദർശനത്തിനെത്തും. അമിതാഭ് ബച്ചൻ പ്രധാന വേഷത്തില്‍ എത്തുന്ന ചിത്രത്തില്‍ മഞ്ജു വാര്യര്‍, ഫഹദ് ഫാസില്‍ തുടങ്ങി മലയാളി താരങ്ങളും സുപ്രധാന വേഷത്തിൽ എത്തുന്നു.
STORY HIGHLIGHT: superstar rajanikanth celebrating onam with team kooli
