അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: മംഗലപുരം ശാസ്തവട്ടത്ത് മൂന്നുപേര്‍ സഞ്ചരിച്ച ബൈക്ക് ഓണാഘോഷപരിപാടിയിലേക്ക് ഇടിച്ചുകയറി ഒരു മരണം. പരിപാടി കണ്ടുകൊണ്ടിരുന്ന ശാസ്തവട്ടം സ്വദേശി സിജു (43) ആണ് മരിച്ചത്.
ബൈക്കിടിച്ച് ദൂരെയ്ക്ക് തെറിച്ചു വീണ ഷൈജുവിനെ ഗുരുതര പരിക്കുകളോടെ മെഡിക്കൽ കോളേജിൽ പ്രവേശിപ്പിച്ചെങ്കിലും ആറരയോടെ മരിച്ചു. ബൈക്കോടിച്ചിരുന്ന പെരുങ്ങുഴി സ്വദേശി റോഷൻ രാജിനും ഗുരുതര പരിക്കുണ്ട്.
ശാസ്തവട്ടത്തെ ക്ലബ്ബിന്‍റെ ഓണാഘോഷ പരിപാടി കാണാനെത്തിയ ആളാണ് മരിച്ചത്. മൂന്ന് പേർ കയറിയ ബൈക് ആണ് ആഘോഷം കാണാനെത്തിയവരുടെ ഇടയിലേക്ക് ഇടിച്ചുകയറിയത്.
ബൈക്കിലുണ്ടായിരുന്നവര്‍ മദ്യലഹരിയിലായിരുന്നോ എന്ന് പോലീസ് അന്വേഷിച്ചുവരികയാണ്. കഴക്കൂട്ടം പോലീസ് നരഹത്യക്ക് കേസെടുത്തു. മൂവരേയും വൈദ്യപരിശോധന നടത്തും.
