അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈയിൽ നിന്ന് സോമാലിയയിലേക്ക് പോവുകയായിരുന്ന ഉരു ഒമാനിലെ ദുഖത്തിന് സമീപമൂള്ള ലക്ക്ബിയിൽ വെച്ച് കത്തിനശിച്ചു. ആളപായമുണ്ടായിട്ടില്ല. ഗുജറാത്ത്, യു.പി സ്വദേശികളായ പതിമൂന്ന് ജീവനക്കാർ ഉരുവിലുണ്ടായിരുന്നു. എല്ലാവരേയും ഫിഷിംഗ് ബോട്ടും ഒമാൻ കോസ്റ്റ് ഗാർഡും ചേർന്നാണ് രക്ഷപ്പെടുത്തിയത്.
ഇവരിപ്പോൾ ലക്ക്ബി പൊലിസ് സ്റ്റേഷനിലാണ് . ഇവർക്ക് നാട്ടിലേക്ക് പോകാൻ ആവശ്യമായ രേഖകൾ ശരിയായി വരികയാണെന്ന് കോൺസുലാർ ഏജന്റ് ഡോ: കെ.സനാതനൻ അറിയിച്ചു. ഉരുവിന്റെ ഉടമ ബന്ധപ്പെട്ടതായും ദുഖം ,മസ്കത്ത് ,അഹമ്മദാബാദ് ടിക്കറ്റ് റെഡിയായതായും അദ്ദേഹം പറഞ്ഞു.
വാഹനങ്ങൾ, മരം ,ഭക്ഷ്യ വസ്തുക്കൾ ,മറ്റു അവശ്യ വസ്തുക്കൾ ഉൾപ്പടെ 650 ടൺ ഭാരമാണ് ഉരുവിൽ ഉണ്ടായിരുന്നത് . സെപ്തംബർ 14 ശനി വൈകിട്ട് മൂന്ന് മണിക്ക് ലക്ക്ബിക്ക് സമീപം ഉൾക്കടലിൽ വെച്ചാണ് തീ പിടിച്ചത്. ഒറ്റ എഞ്ചിൻ ഉരു ഗബോനീസ് റിപ്പബ്ളികിലാണ് രജിസ്റ്റർ ചെയ്തിരിക്കുന്നത്. ഈ ഭാഗങ്ങളിൽ ഉരു അപകടത്തിൽ പെടുന്നത് പതിവായിട്ടുണ്ട്.
