അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഡല്‍ഹിയുടെ അടുത്ത മുഖ്യമന്ത്രിയായി തിരഞ്ഞെടുക്കപ്പെട്ട മുതിര്‍ന്ന നേതാവ് അതിഷി മർലേനയെക്കുറിച്ചുള്ള പരാമര്‍ശത്തെ തുടര്‍ന്ന് രാജ്യസഭാ എംപി സ്വാതി മലിവാള്‍ രാജിവെക്കണമെന്ന് ആം ആദ്മി പാര്‍ട്ടി (എഎപി) ആവശ്യപ്പെട്ടു. ആം ആദ്മി പാര്‍ട്ടി രാജ്യസഭയിലേക്ക് അയച്ചിട്ടും ബി.ജെ.പിയുടെ സ്‌ക്രിപ്റ്റ് മലിവാള്‍ വായിക്കുന്നതായി പാര്‍ട്ടിയുടെ മുതിര്‍ന്ന നേതാവ് ദിലീപ് പാണ്ഡെ പറഞ്ഞു. സ്വാതി മലിവാള്‍ എഎപിയില്‍ നിന്ന് രാജ്യസഭാ ടിക്കറ്റ് എടുക്കുന്നു, എന്നാല്‍ ബിജെപിയില്‍ നിന്ന് പ്രതികരിക്കാന്‍ തിരക്കഥയൊരുക്കുന്നു. അവര്‍ക്ക് അല്‍പ്പമെങ്കിലും നാണക്കേട് ഉണ്ടെങ്കില്‍ രാജ്യസഭാ എംപി സ്ഥാനം രാജിവച്ച് ബിജെപി ടിക്കറ്റില്‍ രാജ്യസഭയിലേക്കുള്ള വഴി തിരഞ്ഞെടുക്കണമെന്നും പാണ്ഡെ പറഞ്ഞു.
दिल्ली के लिए आज बहुत दुखद दिन है। आज दिल्ली की मुख्यमंत्री एक ऐसी महिला को बनाया जा रहा है जिनके परिवार ने आतंकवादी अफ़ज़ल गुरु को फांसी से बचाने की लंबी लड़ाई लड़ी।
उनके माता पिता ने आतंकी अफ़ज़ल गुरु को बचाने के लिए माननीय राष्ट्रपति को दया याचिकाऐं लिखी।
उनके हिसाब से… pic.twitter.com/SbllONqVP0
— Swati Maliwal (@SwatiJaiHind) September 17, 2024
അതിഷിയെ പ്രധാന റോളിലേക്ക് എഎപി തിരഞ്ഞെടുത്തതിനെതിരെ സ്വാതി മലിവാള്‍ കടുത്ത വിമര്‍ശനമാണ് നടത്തിയിരിക്കുന്നത്. ഡല്‍ഹിയെ സംബന്ധിച്ചിടത്തോളം ഇത് ദുഃഖകരമായ ദിവസമാണെന്ന് വിശേഷിപ്പിച്ച അവര്‍, പാര്‍ലമെന്റ് ആക്രമണ കേസ് പ്രതി അഫ്‌സല്‍ ഗുരുവിനെ വിട്ടുകിട്ടാന്‍ പ്രതിഷേധം ഉയര്‍ത്തിയ കുടുംബത്തില്‍ നിന്ന് ഒരാള്‍ ഡല്‍ഹി മുഖ്യമന്ത്രി ആയിരിക്കുന്നുവെന്നും ഡല്‍ഹിയെ ദൈവം രക്ഷിക്കട്ടേയെന്നുമായിരുന്നു സ്വാതിയുടെ പ്രതികരണം. അതിഷി ഡമ്മി മുഖ്യമന്ത്രിയെന്നും സ്വാതി ആരോപിച്ചിരുന്നു. ഇതേത്തുടര്‍ന്ന് സ്വാതി മലിവാളിനോട് രാജ്യസഭാംഗത്വം രാജിവയ്ക്കാന്‍ ആവശ്യപ്പെട്ട് ആം ആദ്മി പാര്‍ട്ടി രംഗത്ത് വന്നു. അതിഷിയുടെ കുടുംബത്തിന് എതിരെ സമൂഹ മാധ്യമത്തില്‍ പോസ്റ്റ് ഇട്ടതിനു പിന്നാലെയാണ് നടപടി. എഎപി എംപി ആണെങ്കിലും സ്വാതി പ്രവര്‍ത്തിക്കുന്നത് ബിജെപിക്കു വേണ്ടിയാണെന്നാണ് ആം ആദ്മി പാര്‍ട്ടിയുടെ ആരോപണം.
മുഖ്യമന്ത്രിസ്ഥാനം രാജിവെക്കാനൊരുങ്ങുന്ന അരവിന്ദ് കെജ്രിവാളിന്റെ പിന്‍ഗാമിയായി അതിഷിയെ എഎപി ഇന്ന് രാവിലെ പ്രഖ്യാപിച്ചു. വരാനിരിക്കുന്ന തെരഞ്ഞെടുപ്പില്‍ ജനങ്ങള്‍ തന്റെ പാര്‍ട്ടിയെ വീണ്ടും തിരഞ്ഞെടുക്കുന്നത് വരെ താന്‍ ഉന്നത സ്ഥാനം വഹിക്കില്ലെന്ന് കെജ്രിവാള്‍ പ്രതിജ്ഞയെടുത്തു. കെജ്രിവാളിന്റെ മുന്‍ സഹായി ബിഭാവ് കുമാര്‍ മുഖ്യമന്ത്രിയുടെ വസതിയില്‍ വച്ച് തന്നെ ആക്രമിച്ചതായി എഎപി രാജ്യസഭാ എംപി സ്വാതി മലിവാള്‍ അടുത്തിടെ ആരോപിച്ചിരുന്നു. സംഭവം വലിയ വിവദാങ്ങളിലേക്ക് വഴിവെച്ചു. ബിഭാവിനെ ഡല്‍ഹി പോലീസ് അറസ്റ്റ് ചെയ്‌തെങ്കിലും അടുത്തിടെയാണ് ജാമ്യത്തില്‍ പുറത്തിറങ്ങിയത്. സംഭവം മുതല്‍, മലിവാളും എഎപിയും തമ്മില്‍ അഭിപ്രായഭിന്നതയുണ്ടായി, പാര്‍ട്ടിക്കെതിരെ ഗുരുതരമായ ആരോപണങ്ങള്‍ ഉന്നയിച്ച് മലിവാള്‍. എന്നിരുന്നാലും, അവര്‍ പാര്‍ട്ടി വിട്ടിട്ടില്ല, എഎപി അവളെ പുറത്താക്കിയിട്ടില്ല.
