അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഒരുകാലത്ത് മലയാള സിനിമയിൽ അതിമനോഹരമായ നിരവധി വേഷങ്ങൾ ചെയ്തിട്ടുള്ള നടിയാണ് കാർത്തിക. വളരെ കുറച്ച് കാലം മാത്രമേ സിനിമയിൽ ഉണ്ടായിരുന്നുള്ളൂ എങ്കിലും ഓരോ കഥാപാത്രങ്ങളും അതിമനോഹരമായ രീതിയിൽ തന്നെയാണ് കാർത്തിക അനശ്വരമാക്കിയിരുന്നത്. മോഹൻലാലിനൊപ്പം ആയിരുന്നു താരത്തിന്റെ ഹിറ്റ് ചിത്രങ്ങൾ എല്ലാം തന്നെ. അതിൽ ഏറ്റവും ശ്രദ്ധ നേടിയത് ഉണ്ണികളെ ഒരു കഥ പറയാം, സന്മനസ്സുള്ളവർക്ക് സമാധാനം തുടങ്ങിയ ചിത്രങ്ങൾ ആയിരുന്നു. എവർഗ്രീൻ ചിത്രമായ താളവട്ടത്തിലും അതിമനോഹരമായ കഥാപാത്രമായാണ് താരം എത്തിയത്.
ഇപ്പോഴിതാ ശ്രദ്ധ നേടിക്കൊണ്ടിരിക്കുന്നത് ഒരു വലിയ ഇടവേളയ്ക്ക് ശേഷം തിരികെ വന്ന കാർത്തിക മലയാള സിനിമയെ കുറിച്ച് പറയുന്ന ചില കാര്യങ്ങളാണ്. അടുത്ത സമയത്ത് കാർത്തിക എത്തിയ ഒരു വീഡിയോ വൈറലായി മാറിയിരുന്നു. ഈ വീഡിയോയിൽ മലയാള സിനിമയെ കുറിച്ചും തമിഴ് ഇൻഡസ്ട്രിയെ കുറിച്ചും ഒക്കെ കാർത്തിക മനസ്സ് തുറന്ന് സംസാരിക്കുന്നത് കേൾകാം
“വെറും രണ്ടുവർഷം മാത്രമാണ് ഞാൻ സിനിമയിൽ ഉണ്ടായിരുന്നത് എന്നെ അംഗീകരിച്ചതിന് മലയാളം തമിഴ് ഇൻഡസ്ട്രിയോട് വലിയൊരു നന്ദി. ആകെ 15 സംവിധായകർക്ക് ഒപ്പം ജോലി ചെയ്തിട്ടുള്ളു. കാമ്പുള്ള കഥാപാത്രങ്ങളും നല്ല കുടുംബചിത്രങ്ങളും നൽകിയതിന് നന്ദി. മികച്ച അഭിനേതാക്കൾക്കൊപ്പം ആണ് ആ ചുരുങ്ങിയ കാലത്തിൽ തന്നെ ഞാൻ വർക്ക് ചെയ്തത് ”
ദേശാടനക്കിളികൾ കരയാറില്ല, സന്മനസ്സുള്ളവർക്ക് സമാധാനം, ഉണ്ണികളെ ഒരു കഥ പറയാം, താളവട്ടം തുടങ്ങിയ ചിത്രങ്ങൾ ഒക്കെ താരത്തിന്റെ ശ്രദ്ധ നേടിയ കഥാപാത്രങ്ങളാണ്. ഓരോ ചിത്രങ്ങളിലും ഒന്നിനൊന്ന് മികച്ച കഥാപാത്രങ്ങളെയാണ് താരം അവിസ്മരണീയമാക്കിയിട്ടുള്ളത്. വളരെ പക്വതയോടെ തന്റെ കയ്യിൽ ലഭിക്കുന്ന കഥാപാത്രങ്ങൾ മികച്ചതാക്കുവാൻ താരത്തിന് സാധിച്ചിട്ടുണ്ട്.
Story Highlights ; Karthika Talkes her Characters
