അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: ഭരണകക്ഷി എംഎൽഎയായ പി.വി. അൻവറിനെ വിശ്വസിക്കാൻ കൊള്ളില്ലെന്ന മുഖ്യമന്ത്രി പിണറായി വിജയന്റെ പരാമർശം എംഎൽഎയെ മുൻനിർത്തി മുഖ്യമന്ത്രിക്കെതിരെ സിപിഎമ്മിൽ പട നയിച്ചവർക്കുള്ള മറുപടിയാണെന്നു പ്രതിപക്ഷ നേതാവ് വി.ഡി. സതീശൻ. ആർഎസ്എസ് പിന്തുണയിലല്ലേ പിണറായി 77 ൽ നിയമസഭയിൽ എത്തിയതെന്നും ആർഎസ്എസ് നേതാക്കളുമായി മാസ്‌കറ്റ് ഹോട്ടലിൽ നേരിട്ടു ചർച്ച നടത്തിയ ആളല്ലേ അദ്ദേഹമെന്നും സതീശൻ ചോദിച്ചു.
പൂരം കലക്കിയതിൽ ഒരാഴ്ചയ്ക്കകം റിപ്പോർട്ട് വേണമെന്ന് ആവശ്യപ്പെട്ടിട്ട് 5 മാസം കഴിഞ്ഞിട്ടും കിട്ടിയില്ലെങ്കിൽ പിണറായി വിജയൻ ആ കസേരയിൽ ഇരിക്കാൻ യോഗ്യനല്ല. തൃശൂർ പൂരം കലക്കിയത് അന്വേഷിച്ചാൽ മുഖ്യമന്ത്രി ഉൾപ്പെടെയുള്ളവർ പ്രതികളാകും. സ്വർണക്കള്ളക്കടത്ത് പൊലീസ് പിടിച്ചപ്പോൾ കള്ളക്കടത്തിനു പിന്നിലുള്ള പലർക്കും വേദനിച്ചെന്നാണ് മുഖ്യമന്ത്രി പറയുന്നത്. അൻവർ ഇപ്പോഴും കോൺഗ്രസിന്റെ സ്വഭാവമാണു കാണിക്കുന്നതെങ്കിൽ എന്തിനാണു വച്ചുകൊണ്ടിരിക്കുന്നതെന്ന് അദ്ദേഹം ചോദിച്ചു.
