അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുടവയർ നിങ്ങളെ വിഷമിപ്പിക്കുന്നുണ്ടോ? വയറിൽ കൊഴുപ്പ് അടിഞ്ഞുകൂടുന്നതുകൊണ്ടാണ് വയർ ചാടുന്നത്. കൃത്യമായ വ്യായാമത്തിലൂടെയും ജീവിതശൈലീ മാറ്റങ്ങളിലൂടെയും ഭക്ഷണത്തിൽ ശ്രദ്ധിക്കുന്നതിലൂടെയും ഇവയെ നിയന്ത്രിക്കാൻ സാധിക്കും. വയറിലെ കൊഴുപ്പ് കുറയ്ക്കാൻ പച്ചക്കറി ജ്യൂസ് വളരെ സഹായകരമാണ്. ആവശ്യമായ പോഷകങ്ങൾ ഇതിൽ അടങ്ങിയിരിക്കുന്നു. ശരീരത്തിലെ വിഷാംശങ്ങളെ നീക്കം ചെയ്യാനും ഉപാപചയ പ്രവർത്തനം മെച്ചപ്പെടുത്താനും ഇവ സഹായിക്കും. അത്തരത്തിൽ കുടവയർ കുറയ്ക്കാൻ സഹായിക്കുന്ന ജ്യൂസുകൾ ഏതൊക്കെയെന്ന് നോക്കാം.
ആപ്പിൾ, ചീര, കിവി
ആപ്പിൾ, ചീര, കിവി ഇവ മൂന്നും ചേർന്ന ജ്യൂസ് ശരീരഭാരം കുറയ്ക്കും. ആപ്പിളിൽ ഭക്ഷ്യനാരുകൾ, പ്രത്യേകിച്ച് പെക്റ്റിൻ ധാരാളമുണ്ട്. ഇത് വയറിനു ചുറ്റുമുള്ള കൊഴുപ്പ് (visceral fat) കുറയ്ക്കാൻ സഹായിക്കുന്നു. പതിവായി ആപ്പിൾ കഴിക്കുന്നത് കൊഴുപ്പ്, പ്രത്യേകിച്ച് അരക്കെട്ടിനു ചുറ്റുമുള്ള കൊഴുപ്പ് കുറയ്ക്കാൻ സഹായിക്കും. കിവിയിൽ വൈറ്റമിൻ സി ധാരാളമുണ്ട്. ഇത് കൊഴുപ്പിന്റെ ഓക്സീകരണത്തിനു സഹായിക്കുന്നു. ചീരയാകട്ടെ കാലറി വളരെ കുറഞ്ഞ, നാരുകൾ ധാരാളമുള്ള പച്ചക്കറിയാണ്. ഇത് ഏറെനേരം വയർ നിറഞ്ഞ തോന്നൽ ഉണ്ടാക്കുകയും വിശപ്പ് കുറയ്ക്കുകയും ചെയ്യും.
ചീര, കുക്കുമ്പർ, നാരങ്ങാ ജ്യൂസ്
ഈ ഗ്രീൻ ജ്യൂസ് വയറിലെ കൊഴുപ്പ് കുറയ്ക്കും, ചീരയിൽ അടങ്ങിയ പോഷകങ്ങളും നാരുകളും വയറു നിറഞ്ഞ തോന്നൽ ഉണ്ടാക്കുകയും കുക്കുമ്പർ ശരീരത്തിൽ ജലാംശം നിലനിർത്താനും ബ്ലോട്ടിങ്ങ് തടയാനും സഹായിക്കും. നാരങ്ങയിലെ വൈറ്റമിൻ സി കൊഴുപ്പ് കുറയ്ക്കാൻ സഹായിക്കും. ഉപാപചയ പ്രവർത്തനം മെച്ചപ്പെടുത്താനും ശരീരം ഡീടോക്സ് ചെയ്യാനും മികച്ച ഒരു പാനീയം ആണിത്.
ചുരയ്ക്ക ജ്യൂസ്
ശരീരഭാരം കുറയ്ക്കാൻ സഹായിക്കുന്ന മികച്ച പാനീയമാണിത്. കാലറി വളരെ കുറഞ്ഞ ചുരയ്ക്കയിൽ ജലാംശം ധാരാളമുണ്ട്. ഇത് ശരീരത്തിലെ വിഷാംശങ്ങളെ നീക്കാൻ സഹായിക്കുന്നു. നാരുകൾ ധാരാളമുള്ള ചുരയ്ക്ക ജ്യൂസ് ദഹനത്തിനും സഹായിക്കുന്നു. അമിതമായി ഭക്ഷണം കഴിക്കുന്നതിെന തടയുന്നു. സമീകൃത ഭക്ഷണത്തിന്റെ ഭാഗമായി ചുരയ്ക്ക ജ്യൂസ് ദിവസവും കുടിക്കുന്നത് ശരീരത്തിലെ, പ്രത്യേകിച്ച് വയറിലെ കൊഴുപ്പ് കുറയ്ക്കാൻ സഹായിക്കുന്നു.
കുക്കുമ്പർ ഇഞ്ചി ജ്യൂസ്
ശരീരത്തിൽ ജലാംശം നിലനിർത്താനും കൊഴുപ്പ് ഇല്ലാതാക്കാനും സഹായിക്കുന്ന ജ്യൂസ് ആണിത്. കുക്കുമ്പർ അഥവാ സാലഡ് വെള്ളരിയിൽ കാലറി വളരെ വലുതാണ്. ഇതിൽ ജലാംശം ധാരാളമുണ്ട്. ഇത് ശരീരഭാരം കുറയ്ക്കാൻ മികച്ചതാണ്. ആന്റി ഓക്സിഡന്റ് ഗുണങ്ങളും ആന്റി ഇൻഫ്ലമേറ്ററി ഗുണങ്ങളും ഉള്ള കുക്കുമ്പർ ബ്ലോട്ടിങ്ങ് കുറയ്ക്കുന്നു. ഇഞ്ചി ശരീരതാപനിലയും ഉപാപചയ പ്രവർത്തനവും വർധിപ്പിക്കുന്നു. കൊഴുപ്പ് കുറയ്ക്കാൻ ഇഞ്ചി കുക്കുമ്പർ ജ്യൂസ് ദിവസവും രാവിലെ ശീലമാക്കാം.
ആപ്പിൾ കുക്കുമ്പർ ജ്യൂസ്
ആപ്പിൾ കുക്കുമ്പർ ജ്യൂസ് കൊഴുപ്പ് കുറയ്ക്കാൻ സഹായിക്കുന്നു. നാരുകൾ ധാരാളമുള്ള ആപ്പിൾ വയറു നിറഞ്ഞ തോന്നൽ ഉണ്ടാക്കുമ്പോൾ ശരീരത്തിലെ ജലാംശം നിലനിർത്താന്‍ കുക്കുമ്പർ സഹായിക്കുന്നു. വയറു കമ്പിക്കുന്നതു കുറയ്ക്കാനും വെള്ളരിക്ക സഹായിക്കും. ഉന്മേഷമാകുന്ന ഈ പാനീയം ഒരു പോസ്റ്റ് വർക്കൗട്ട് ഡ്രിങ്ക് കൂടിയാണ്. നാരുകൾ ധാരാളം അടങ്ങിയ ഭക്ഷണങ്ങൾ ലോവർ ബോഡിഫാറ്റ് പ്രത്യേകിച്ച് ഉദരത്തിലെ കൊഴുപ്പ് കുറയ്ക്കാൻ സഹായിക്കും.
content highlight: juices-for-belly-fat
