അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലോകം മുഴുവൻ ആരാധകരുള്ള ഹാരിപോര്‍ട്ടര്‍ സിനിമാ സീരിസിലെ പ്രൊഫസർ മിനര്‍വ മക്‌ഗൊനാഗല്‍ എന്ന കഥാപാത്രം അവതരിപ്പിച്ച മാഗി സ്മിത്ത് (89) അന്തരിച്ചു. ലണ്ടനിലെ ആശുപത്രിയിൽ വെച്ചായിരുന്നു മരണം. ഹാരിപോര്‍ട്ടര്‍ സിനിമയിലെ കഥാപാത്രത്തിലൂടെ കുട്ടികളടക്കമുള്ളവരുടെ ഇഷ്ടകഥാപാത്രമായി മാറിയ താരമാണ് മാഗി.
രണ്ട് തവണ ഓസ്‌കാറും നാല് തവണ എമ്മി പുരസ്‌കാരവും നേടിയതിന് പുറമെ നിരവധി അവാർഡുകൾ സ്വന്തമാക്കിയിട്ടുണ്ട്. 1950 കളിൽ സിനിമയിലെത്തിയ സ്മിത്ത് നിരവധി ചിത്രങ്ങളിലും ടെലിവിഷൻ പരമ്പരകളിലും വേഷമിട്ടു. 1969 ൽ മികച്ച നടിക്കും 1978ൽ സഹനടിക്കുമുള്ള ഓസ്‌കാർ പുരസ്‌കാരങ്ങളാണ് നേടിയത്.
മാഗി സ്മിത്തിന്റെ മക്കളായ ക്രിസ് ലാർക്കിനും ടോബി സ്റ്റീഫൻസും വെള്ളിയാഴ്ച പുലർച്ചെ ലണ്ടനിലെ ആശുപത്രിയിൽ വച്ച് സ്മിത്ത് മരിച്ച വിവരം സംയുക്ത പത്ര പ്രസ്താവനയിലൂടെയാണ് ലോകത്തെ അറിയിച്ചത്.
മാഗി സ്മിത്തിന്റെ നിര്യാണത്തിൽ ബ്രിട്ടിഷ് പ്രധാനമന്ത്രി കിയേർ സ്റ്റാമെർ അനുശോചനം രേഖപ്പെടുത്തി.
STORY HIGHLIGHT: harry potter star and oscar winning actor dame maggie smith dies
