അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എഡിജിപി എംആർ അജിത് കുമാറിനെതിരായ അന്വേഷണത്തിന്റെ തൽസ്ഥിതി റിപ്പോർട്ട് ഹാജരാക്കാൻ വിജിലൻസ് മേധാവിക്ക് കോടതിയുടെ നിർദേശം. ഡിസംബർ 10ന് റിപ്പോർട്ട് ഹാജരാക്കണമെന്നാണ് തിരുവനന്തപുരം വിജിലൻസ് കോടതിയുടെ നിർദേശം. രണ്ടുമാസം സമയം വേണമെന്ന വിജിലൻസിന്റെ ആവശ്യം പരിഗണിച്ചാണ് നടപടി.
ഹർജി തള്ളണമെന്ന വിജിലൻസ് മേധാവിയുടെ ആവശ്യം കോടതി നിരാകരിച്ചു. അജിത് കുമാറിനും പി. ശശിക്കുമെതിരെ കേസെടുത്ത് അന്വേഷണം വേണമെന്ന ഹർജിയിലാണ് നടപടി. അജിത് കുമാറിനെതിരെ അന്വേഷണം നടക്കുന്നതായി വിജിലൻസ് കോടതിയെ അറിയിച്ചു. നെയ്യാറ്റിൻകര സ്വദേശിയുടെ ഹർജിയിലാണിത് കോടതിയുടെ നടപടി.
