അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടികള്‍ ഒക്കെ സ്‌കൂളില്‍ പോയി തുടങ്ങിയതു മുതല്‍ സ്‌നാക്കുകള്‍ക്കൊക്കെ വലിയ ഡിമാന്‍ഡ് ആണ്. വൈകുന്നേരം വീട്ടിലെത്തിയാല്‍ കഴിക്കാനായി വെറൈറ്റി ആയിട്ട് എന്തെങ്കിലും അവര്‍ക്ക് വേണം. എങ്കില്‍ ഇനി വിഷമിക്കേണ്ട ഉരുളക്കിഴങ്ങ് മാത്രം മതി ഒരു അടിപൊളി വിഭവം ഉണ്ടാക്കാന്‍. ഉരുളക്കിഴങ്ങ് ഉപയോഗിച്ച് ഒരു നാലുമണി പലഹാരം നമുക്ക് തയ്യാറാക്കി നോക്കാം.
ആവശ്യമായ ചേരുകള്‍;
- ഉരുളക്കിഴങ്ങ്
- മൈദ
- കടലമാവ്
- ഉപ്പ്
- മഞ്ഞള്‍പ്പൊടി
- മുളകുപൊടി
- ചെറിയ ജീരകം
- മല്ലിയില
- വെളിച്ചെണ്ണ
തയ്യാറാക്കുന്ന വിധം;
ഇതിനായ ഒരു ബൗളിലേക്ക് കുറച്ച് ഉപ്പ് കലക്കി മാറ്റിവയ്ക്കുക. ശേഷം ഉരുളക്കിഴങ്ങ് തൊലി ചെത്തി കഴുകി വൃത്തിയാക്കി കട്ടി കുറഞ്ഞ രീതിയില്‍ വട്ടത്തില്‍ അരിഞ്ഞെടുക്കുക. ഇനി ഈ ഉരുളക്കിഴങ്ങ് നമ്മള്‍ മാറ്റിവച്ചിരിക്കുന്ന ഉപ്പുവെള്ളത്തിലേക്ക് ഇട്ടുകൊടുക്കുക. ഇനി അല്പം മൈദ, കടലമാവ്, ആവശ്യത്തിന് ഉപ്പ് എന്നിവയെടുത്ത് അരിച്ച മാറ്റുക. ശേഷം ഇതിലേക്ക് ആവശ്യത്തിന് വെള്ളം ഒഴിച്ച് കുഴച്ചെടുക്കുക, ഒരു പേസ്റ്റ് പരുവത്തില്‍ വേണം ഈ മാവ് തയ്യാറാക്കി എടുക്കാന്‍. ശേഷം ഇതിലേക്ക് മഞ്ഞള്‍പ്പൊടി, മുളകുപൊടി, കുറച്ച് ചെറിയ ജീരകം അതുപോലെതന്നെ മല്ലിയില എന്നിവ ചേര്‍ത്ത് നല്ലപോലെ ഇളക്കുക.
ഇനി ഒരു പാനിലേക്ക് കുറച്ചു വെളിച്ചെണ്ണ ഒഴിച്ചു കൊടുത്തശേഷം നമ്മള്‍ ഉപ്പുവെള്ളത്തില്‍ മുക്കിവെച്ചിരിക്കുന്ന കിഴങ്ങ്, ഓരോ കഷ്ണങ്ങളായി എടുത്ത് ഈ മാവില്‍ മുക്കി എണ്ണയില്‍ ഇട്ട് പൊരിച്ചെടുക്കുക. ചെറിയ ഫ്‌ളെയ്മില്‍ ഇട്ടു വേണം കുക്ക് ചെയ്‌തെടുക്കാന്‍. നിറം മാറുമ്പോള്‍ ഇവ എണ്ണയില്‍ നിന്നും കോരി മാറ്റാം. നല്ല രുചികരമായ ഒരു ഈവനിംഗ് സ്നാക്ക് ആണ് ഇത്.
STORY HIGHLIGHTS: Potato Snack Recipe
