അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: പി.വി.അൻവർ എംഎൽഎയ്ക്കെതിരെ മുഖ്യമന്ത്രിയുടെ പൊളിറ്റിക്കൽ സെക്രട്ടറിയും സിപിഎം നേതാവുമായ പി. ശശി വക്കീൽ നോട്ടീസ് അയച്ചു. സിപിഎം സംസ്ഥാന സെക്രട്ടറിക്ക് അൻവർ നൽകിയ പരാതിയിലെ ആരോപണങ്ങൾ പിൻവലിച്ച് മാപ്പ് പറയണമെന്നാണ് ശശിയുടെ ആവശ്യം.
ആരോപണങ്ങൾ രാഷ്ട്രീയ ലക്ഷ്യത്തോടെയുള്ളതാണ്. മാധ്യമങ്ങളിലൂടെ ഉന്നയിച്ച ആരോപണങ്ങൾ തന്നെ തേചോവധം ചെയ്യാനാണെന്നും മാപ്പ് പറഞ്ഞില്ലെങ്കിൽ നിയമ നടപടി സ്വീകരിക്കുമെന്നും മുന്നറിയിപ്പ് നൽകി. മുതിർന്ന അഭിഭാഷകൻ കെ.വിശ്വൻ മുഖേനയാണ് നോട്ടീസ് അയച്ചത്
ശശിക്കെതിരെ സിപിഎമ്മിന് നൽകിയ പരാതി കഴിഞ്ഞ ദിവസം അൻവർ പുറത്തുവിട്ടിരുന്നു. ശശി വിലയ സാമ്പത്തിക തർക്കങ്ങളിൽ മധ്യസ്ഥത വഹിക്കുന്നുണ്ടെന്നും മുഖ്യമന്ത്രിയുടെ ഓഫീസിൽ വരുന്ന കാണാൻ കൊള്ളാവുന്ന സ്ത്രീകളുടെ നമ്പർ വാങ്ങിവെക്കുന്നുണ്ടെന്നുമുള്ള ഗുരുതര ആരോപണങ്ങൾ അൻവർ ശശിക്കെതിരെ നൽകിയ പരാതിയിൽ ആരോപിച്ചിരുന്നു. ഈ ആരോപണങ്ങൾ പിൻവലിച്ച് ഖേദം പ്രകടിപ്പിക്കണമെന്നാണ് ശശി വക്കീൽ നോട്ടീസിലൂടെ ആവശ്യപ്പെടുന്നത്. തന്റെ ഫേസ്ബുക്ക് പേജിലൂടെയാണ് അൻവർ ശശിക്കെതിരെ നൽകിയ പരാതി പരസ്യപ്പെടുത്തിയത്.
