അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: സംസ്ഥാനത്ത് പതിനാലായിരത്തോളം റേഷൻ വ്യാപാരികൾക്ക് ഓഗസ്റ്റ് മാസത്തെ കമ്മിഷൻ നൽകാനുള്ള സംസ്ഥാനവിഹിതമായ 14.35 കോടി രൂപ ധനവകുപ്പ് അനുവദിച്ചു. ഇതിനുള്ള കേന്ദ്രവിഹിതം നേരത്തേ തന്നെ ലഭിച്ചിരുന്നു. എന്നാൽ, തുക വ്യാപാരികൾക്കു വിതരണം ചെയ്യാനുള്ള നടപടിക്രമങ്ങൾ പൂർത്തിയാക്കാൻ രണ്ടാഴ്ചയോളം വേണ്ടി വരും. ഒക്ടോബറിലെ റേഷൻ വിതരണം ആരംഭിച്ച സാഹചര്യത്തിലും കമ്മിഷൻ കുടിശിക ലഭിക്കാത്തതിനെക്കുറിച്ചു വ്യാപാരി സംഘടനകൾ പരാതികളും നിവേദനങ്ങളും നൽകിയതിനെയും തുടർന്നാണ് ഓഗസ്റ്റിലെ കമ്മിഷൻ അനുവദിച്ചത്. ഓണക്കാലത്ത് റേഷൻ വ്യാപാരികൾക്കു സർക്കാർ പ്രഖ്യാപിച്ച 1000 രൂപ ഉത്സവബത്തയും അനുവദിക്കാനുണ്ട്.
