അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അറിവിന്റെ പുതുവെളിച്ചം വീശി കുവൈത്തിലെ ജയിലുകളിൽ അന്തേവാസികൾക്കായി പുതിയ വിദ്യാഭ്യാസ പദ്ധതിക്ക് തുടക്കം കുറിച്ചു. ആഭ്യന്തര – വിദ്യാഭ്യാസ മന്ത്രാലയത്തിന്റെയും, ഇസ്ലാമിക കാര്യ മന്ത്രാലയത്തിന്റെയും സഹകരണത്തോടെയാണ് വിദ്യാഭ്യാസ പദ്ധതി നടപ്പിലാക്കുന്നത്. ജയിൽ സമുച്ചയത്തിൽ നടന്ന പരിപാടിയിൽ വിദ്യാഭ്യാസ മന്ത്രാലയം അസിസ്റ്റന്റ് അണ്ടർസെക്രട്ടറി മറിയം അൽ-അൻസി, ഡോ:ബന്ദർ അൽ നുസാഫി, ബ്രിഗേഡിയർ ജനറൽ ഫഹദ് അൽ-ഉബൈദ് എന്നിവർ പങ്കെടുത്തു.
പഠിതാക്കൾക്ക് ആവശ്യമായ പഠനോപകരണങ്ങളും വിതരണം ചെയ്തു. വിദ്യാർഥികൾക്കു ലഭിക്കുന്ന എല്ലാ അക്കാദമിക് സൗകര്യങ്ങളും അന്തേവാസികൾക്കും ലഭിക്കുന്ന രീതിയിലാണു കോഴ്‌സ് ക്രമീകരിച്ചിരിക്കുന്നത്. ദേശീയ മനുഷ്യാവകാശ ബ്യൂറോയും ഹ്യൂമൻ ഡെവലപ്മെന്റ്, നാമ ചാരിറ്റി അസോസിയേഷനും പദ്ധതിയിൽ പങ്കാളികളാകും.
