അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിസ്മയിപ്പിക്കുന്ന കഥാ പശ്ചാത്തലവും സസ്‌പെൻസും നിറഞ്ഞ സൈക്കോളജിക്കൽ ത്രില്ലർ ‘തൗസന്റ് ബേബീസ്’ സീരീസിന്റെ സ്ട്രീമിംഗ് ഒക്ടോബർ 18ന് ആരംഭിക്കും. ഡിസ്നി ഹോട്ട്സ്റ്റാറിന്റെ അഞ്ചാമത്തെ മലയാളം സീരീസായ ‘1000 Babies’-ന്റെ ഒഫീഷ്യൽ ട്രെയിലർ കഴിഞ്ഞ ദിവസം പുറത്തിറക്കിയിരുന്നു. തെന്നിന്ത്യയുടെ പ്രിയതാരം റഹ്മാനും ബോളിവുഡ് അഭിനേത്രിയും സംവിധായികയുമായ നീന ഗുപ്തയും സീരീസിൽ പ്രധാന വേഷത്തിൽ എത്തുന്നു. സൈക്കോളജിക്കൽ സസ്പെൻസ് ക്രൈം ത്രില്ലർ ജോണറിലുള്ള വ്യത്യസ്തമായ പ്രമേയമാണ് സീരീസിനായി ഒരുക്കിയിരിക്കുന്നത്.
നജീം കോയ സംവിധാനം ചെയ്തിരിക്കുന്ന ഈ ത്രില്ലർ സീരീസ്, നജീം കോയയും അറൗസ് ഇർഫാനും ചേർന്നാണ് രചിച്ചിരിക്കുന്നത്. ഓഗസ്റ്റ് സിനിമയുടെ ബാനറിൽ ഷാജി നടേശനും ആര്യയും ചേർന്ന് ഈ ക്രൈം ത്രില്ലർ നിർമിച്ചിരിക്കുന്നു. ഡിസ്നി ഹോട്ട്സ്റ്റാറിന്റെ അഞ്ചാമത്തെ മലയാളം സീരീസായ ‘1000 Babies’-ന്റെ ഒഫീഷ്യൽ ട്രെയിലർ കഴിഞ്ഞ ദിവസം പുറത്തിറക്കിയിരുന്നു.
സഞ്ജു ശിവറാം, അശ്വിൻ കുമാർ, ആദിൽ ഇബ്രാഹിം, ഷാജു ശ്രീധർ, ഇർഷാദ് അലി, ജോയ് മാത്യു, വികെപി, മനു എം ലാൽ, ഷാലു റഹീം, സിറാജുദ്ധീൻ നാസർ, ഡെയിൻ ഡേവിസ്, രാധിക രാധാകൃഷ്ണൻ, വിവിയ ശാന്ത്, നസ്ലിൻ, ദിലീപ് മേനോൻ, ധനേഷ് ആനന്ദ്, ശ്രീകാന്ത് മുരളി, ശ്രീകാന്ത് ബാലചന്ദ്രൻ, രാധാ ഗോമതി തുടങ്ങി വലിയ താരനിര തന്നെ സീരീസിൽ അണിനിരക്കുന്നുണ്ട്.
STORY HIGHLIGHT: 1000-babies ott release date platform disney hotstar
