പോലീസ് തന്നെ നിരന്തരം പിന്തുടരുന്നെന്ന് ആരോപിച്ച് ഡിജിപിക്ക് പരാതി നൽകി നടൻ സിദ്ദിഖ്. മാധ്യമങ്ങൾക്കും പോലീസിനുമെതിരെയാണ് സിദ്ധിഖ് പരാതി നൽകിയത്. ഡിജിപിക്ക് നല്‍കിയ പരാതി കൊച്ചി സിറ്റി പോലീസിനു കൈമാറി. ചിത്രീകരണ സ്ഥലത്ത് ഉൾപ്പെടെ താൻ പോകുന്ന സ്ഥലത്ത് എല്ലാം പോലീസ് പിന്തുടരുന്നെന്നാണ് പരാതിയിൽ പറയുന്നു. സാക്ഷികളെ സ്വാധീനിക്കാൻ സിദ്ദിഖ് ശ്രമിക്കുന്നുണ്ടോ എന്ന് കണ്ടെത്താനാണ് പരിശോധനയെന്നാണ് പോലീസ് നൽകുന്ന വിശദീകരണം.
സ്വൈരജീവിതം തടസ്സപ്പെടുത്തുന്നുവെന്നും മാധ്യമങ്ങൾക്ക് പൊലീസ് വാർത്ത ചോർത്തുന്നുവെന്നും സിദിഖിന്റെ പരാതിയിൽ പറയുന്നു. സ്വകാര്യ വാഹനങ്ങളിലും ബൈക്കുകളിലും തന്നെ പോലീസ് പിന്തുടരുന്നതായാണ് സിദ്ദിഖ് പറയുന്നത്. സിവിൽ ഡ്രസ്സിൽ ആണ് തനിക്ക് പിന്നാലെ പോലീസ് നടക്കുന്നതെന്നും പരാതിയിൽ പറയുന്നു.
എന്നാൽ ബലാല്‍സംഗക്കേസില്‍ നടന്‍ സിദ്ദിഖ് അന്വേഷണവുമായി സഹകരിക്കുന്നില്ലെന്നാണ് പോലീസ് ആരോപിക്കുന്നത്. വിവരം കോടതിയെ ധരിപ്പിക്കാനാണ് നീക്കം. രണ്ടാം വട്ട ചോദ്യം ചെയ്യലിന് ഇന്നലെ ഹാജരായപ്പോഴും സിദ്ദിഖ് അന്വേഷണ സംഘം ആവശ്യപ്പെട്ട രേഖകള്‍ നല്‍കിയിരുന്നില്ല. ഹോട്ടലിൽ നടിയെ കണ്ടിട്ടില്ലെന്ന മൊഴിയിൽ ഉറച്ച് നിൽക്കുകയാണ് സിദ്ദിഖ്.
STORY HIGHLIGHT: actor siddique complaint against police