പലപ്പോഴും കുട്ടികൾക്കിഷ്ട്ടപെട്ട ഭക്ഷണങ്ങൾ തയ്യാറാക്കുക എന്നത് ഒരു വലിയ ടാസ്ക് തന്നെയാണ് അല്ലെ, ഇനി ഇതൊന്ന് ട്രൈ ചെയ്തുനോക്കൂ, എളുപ്പത്തിൽ രുചികരമായി തയ്യാറാക്കാവുന്ന ഒരു ചിക്കൻ റെസിപ്പിയാണ് ചിക്കൻ ലോലിപോപ്പുകൾ. തയ്യാറാക്കുന്നത് എങ്ങനെയെന്ന് നോക്കിയാലോ?
മാരിനേഷനുള്ള ചേരുവകൾ
തയ്യാറാക്കുന്ന വിധം
മുട്ട നന്നായി അടിച്ചു മാറ്റി വയ്ക്കുക. ഒരു വലിയ പാത്രത്തിൽ പൊടികൾ എല്ലാം ചേർത്ത് നന്നായി ഇളക്കുക. ശേഷം മുട്ടയും വെള്ളവും ഒഴികെ ബാക്കിയുള്ള ചേരുവകൾ ചേർക്കുക. നന്നായി ഇളക്കുക. എന്നിട്ട് പതുക്കെ മുട്ട ചേർത്ത് നന്നായി ഇളക്കുക. ശേഷം ഇഡ്ഡലി മാവ് കിട്ടുന്നത് വരെ ചെറിയ അളവിൽ വെള്ളം ചേർക്കുക. ചിക്കൻ വിങ്‌സ് മുറിച്ച് ലോലിപോപ്പ് ഉണ്ടാക്കുക.
കഷണങ്ങൾ ആദ്യം ഉപ്പിലും വിനാഗിരിയിലും നന്നായി കഴുകുക, എന്നിട്ട് പ്ലെയിൻ വെള്ളത്തിൽ കഴുകുക. ശേഷം ചിക്കൻ കഷ്ണങ്ങൾ മാവിൽ ചേർത്ത് നന്നായി ഇളക്കുക. ഈ മാരിനേറ്റ് ചെയ്ത ചിക്കൻ കഷണങ്ങൾ മിനിമം ഒരു മണിക്കൂർ ഫ്രിഡ്ജിൽ വെക്കുക. അതിനിടയിൽ സോസ് തയ്യാറാക്കണം
ആവശ്യമായ ചേരുവകൾ
തയ്യാറാക്കുന്ന വിധം
എണ്ണ ചൂടാക്കി ഇടത്തരം ചൂടാകുമ്പോൾ ചെറുതായി അരിഞ്ഞ ഇഞ്ചിയും വെളുത്തുള്ളിയും ചേർത്ത് ഇളം ഗോൾഡൻ ഷേഡ് വരെ നന്നായി വഴറ്റുക. ശേഷം ചില്ലി പേസ്റ്റ് ചേർത്ത് തീ കുറച്ച് 5 മിനിറ്റ് അല്ലെങ്കിൽ പച്ച മണം പോകുന്നത് വരെ വഴറ്റുക. ശേഷം കുരുമുളക്, സോയാ സോസ്, ചില്ലി സോസ് എന്നിവ ചേർക്കുക. നന്നായി ഇളക്കുക. ശേഷം 1/4 കപ്പ് ചൂടുവെള്ളം ചേർത്ത് നന്നായി ഇളക്കുക. ഉപ്പ്, വിനാഗിരി, പഞ്ചസാര എന്നിവ ചേർത്ത് നന്നായി ഇളക്കുക.
സോസ് കുറച്ച് നേരം തിളപ്പിക്കാൻ അനുവദിക്കുക, സോസ് വളരെ കട്ടിയുള്ളതായി കണ്ടാൽ ചൂടുവെള്ളം ചേർത്ത് ഇളക്കുക. ശേഷം സോസ് മാറ്റി വയ്ക്കുക. ഇനി ഒരു കടായിയിൽ എണ്ണ ചൂടാക്കി ലോലിപോപ്സ് ഗോൾഡൻ നിറത്തിൽ വറുത്തു കോരുക. ബാക്കിയുള്ള ചിക്കൻ ലോലിപോപ്സ് ഇതുപോലെ വറുത്തു കോരി സോസിൽ മിക്സ് ചെയ്യുക. അവസാനം കുറച്ച് അരിഞ്ഞ സ്പ്രിംഗ് ഒനിയൻ പച്ചിലകളും നാരങ്ങ കഷ്ണങ്ങളും വിതറി ചൂടോടെ വിളമ്പുക.