അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹേമ കമ്മീഷൻ റിപ്പോർട്ട് പുറത്തുവന്നതിന് പിന്നാലെ നിരവധി അഭിനേതാക്കൾക്കെതിരെയും സാങ്കേതിക പ്രവർത്തകർക്കെതിരെയും ലൈംഗികാരോപണം ഉന്നയിച്ച നടിയാണ് മിനു മുനീർ. മുകേഷ്, മണിയൻപിള്ള രാജു, ഇടവേള അബു, ജയസൂര്യ എന്നിവർ 2013-ൽ പുറത്തിറങ്ങിയ ഒരു സിനിമയുടെ സെറ്റിൽ വച്ച് തന്നെ ശാരീരികമായും മാനസികമായി ഉപദ്രവിച്ചതായി നടി മിനു മുനീർ പരാതിപ്പെട്ടിരുന്നു.
2008 – 2009 കാലഘട്ടത്തിലാണ് മിനു ആദ്യമായി സിനിമയിൽ അഭിനയിക്കാൻ വരുന്നത്. ബാലചന്ദ്രമേനോന്റെ ദേ ഇങ്ങോട്ട് നോക്കിയേ എന്ന ചിത്രത്തിലാണ് ആദ്യമായി അഭിനയിച്ചത്. ചീഫ് സെക്രട്ടറിയുടെ റോൾ ആയിരുന്നു ചെയ്തത്. സെക്രട്ടറിയേറ്റിൽ വച്ചായിരുന്നു ഷൂട്ടിംഗ്. അവിടെ ബാത്റൂമിൽ പോയി പുറത്തിറങ്ങുമ്പോൾ നടൻ ജയസൂര്യ പിന്നിൽനിന്ന് വന്ന് കെട്ടിപ്പിടിക്കുകയും ചുംബിക്കുകയും ചെയ്യുകയായിരുന്നെന്നും കുതറിയോടിയ എന്റെ പിന്നാലെ വന്ന്, സഹകരിച്ചാൽ ഗുണമുണ്ടാകുമെന്ന് ജയസൂര്യ പറഞ്ഞതായും മിനു പരാതിപ്പെട്ടിരുന്നു. തിരുവനന്തപുരത്ത് ഫ്ലാറ്റുണ്ട്. മിനുവിന് താൽപര്യമുണ്ടെങ്കിൽ പറയണമെന്ന് ജയസൂര്യ പറഞ്ഞു. പറ്റില്ലെന്നു പറഞ്ഞശേഷം പിന്നീട് മറ്റൊന്നും ഉണ്ടായില്ല. പക്ഷേ, പിന്നീട് എനിക്ക് വന്ന അവസരങ്ങൾ നിഷേധിക്കുകയായിരുന്നുവെന്ന് മിനു പറഞ്ഞു.
ഈ ആരോപണങ്ങൾ എല്ലാം തെറ്റാണെന്ന് പറഞ്ഞ ജയസൂര്യയ്‌ക്കെതിരെ തെളിവുമായാണ് താരം ഇപ്പോൾ രംഗത്ത് വന്നിരിക്കുന്നത്. തന്റെ ഫേസ്ബുക് പേജിൽ ഒരു വീഡിയോ പങ്കു വെച്ചാണ് മിനു മുന്നോട്ട് വന്നിരിക്കുന്നത്. ഷൂട്ടിംഗ് ലൊക്കേഷനിൽ നിന്നെടുത്ത ഫോട്ടോസ് വെച്ചാണ് മിനു ഫേസ്ബുക് പേജിൽ തെളിവുകളുമായി വന്നിരിക്കുന്നത്. ജയസൂര്യയും മിനുവും ജഗതിയും കൂടിയിരിക്കുന്ന ഫോട്ടോസാണ് മിനു പങ്കുവെച്ചിരിക്കുന്നത്. അതിൽ താൻ ബ്ലാക്ക് സാരി ഉടുത്ത ദിവസമാണ് തനിക്കെതിരെ അങ്ങനെ ഒരു സംഭവം ഉണ്ടായതെന്നും മിനു പറയുന്നു. “രണ്ടു മണിക്കൂറോ ഉള്ളായിരുന്നു എന്നോ ഇത് തന്നെ രണ്ടു ദിവസം അല്ലെ, ഞാൻ ബ്ലാക്ക് സാരി ഉടുത്ത ആ ദിവസമാണ് സംഭവിച്ചത്”
“ജയസൂര്യക്ക് നുണ പരിശോധനയ്ക്ക് വരൻ ധൈര്യമുണ്ടോ? മാതാജിയുടെ മുലപ്പാൽ കുടിച്ചിട്ടുണ്ടെങ്കിൽ വാ, ഞാനും റെഡി.” എന്നും താരം വിഡിയോയുടെ കമെന്റ് ബോക്സിൽ കൂട്ടിച്ചേർത്തു.
