അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഭക്ഷണത്തിലും ജീവിത ശൈലിയിലുമൊക്കെ അൽപ്പം ശ്രദ്ധ നൽകിയാൽ പല പ്രശ്നങ്ങളും വേഗത്തിൽ ഇല്ലാതാക്കാൻ സാധിക്കും. ഭക്ഷണം കഴിക്കുന്ന രീതിയും വളരെ പ്രധാനമാണ്. രാത്രിയിലെ അത്താഴമാണ് പലപ്പോഴും കൊളസ്ട്രോൾ കൂട്ടാനുള്ള പ്രധാന കാരണങ്ങളിലൊന്നാണ് കണക്കാക്കുന്നത്. ശരീരത്തിലെ ചീത്ത കൊളസ്ട്രോളിനെ കുറയ്ക്കാനും വരാതിരിക്കാനും അത്താഴത്തിൽ ചെയ്യുന്ന ഈ തെറ്റുകൾ ഒഴിവാക്കാൻ ശ്രമിക്കുക. പലർക്കും പച്ചക്കറികൾ കഴിക്കുന്നത് വലിയ താതപര്യമില്ലാത്ത കാര്യമാണ്. എന്നാൽ കൊളസ്ട്രോൾ പോലെയുള്ള പ്രശ്നങ്ങളെ നിയന്ത്രിക്കാൻ പച്ചക്കറികൾ വളരെയധികം സഹായിക്കാറുണ്ട്. ധാരാളം ഫൈബർ അടങ്ങിയ പഴങ്ങളും പച്ചക്കറികളും കഴിക്കാതിരിക്കുന്നത് പലപ്പോഴും ശരീരത്തിലെ ചീത്ത കൊളസ്ട്രോൾ കൂട്ടാൻ കാരണമായേക്കും. വെള്ളത്തിൽ ലയിക്കുന്ന ഫൈബറുകൾ കഴിക്കുന്നത് കൊളസ്ട്രോൾ കുറയ്ക്കാനും അതുപോലെ ഹൃദയാരോഗ്യം മെച്ചപ്പെടുത്താനും സഹായിക്കാറുണ്ട്. ഭക്ഷണം കഴിച്ച ഉടൻ ഒരിക്കലും ഉറങ്ങാൻ പോകരുത്. ഭക്ഷണ ശേഷം അൽപ്പ സമയം കുറഞ്ഞത് ഒരു അരമണിക്കൂർ എങ്കിലും ഗ്യാപ്പ് നൽകിയ ശേഷം മാത്രം കിടക്കാൻ പോകുക. ഇത് ദഹനത്തെ മന്ദഗതിയിലാക്കാനും ഉറക്കത്തിൽ ഗുണം ഇല്ലാതാക്കാനും കാരണമാകും. ശരിയല്ലാത്ത ഉറക്കവും മെറ്റബോളിസവും അമിതവണ്ണം കൂട്ടാൻ കാരണവും ഇത് കൊളസ്ട്രോളിലേക്കും നയിക്കും. ഉറങ്ങുന്ന സമയവും ഭക്ഷണ സമയവും തമ്മിൽ വലിയ വ്യത്യാസമില്ലെങ്കിൽ അത് പല തരത്തിലുള്ള ആരോഗ്യ പ്രശ്നങ്ങൾ ഉണ്ടാക്കാനുള്ള സാധ്യത വളരെ കൂടുതലാണ്. സെൽ മെറ്റബോളിസം ജേണലിൽ പ്രസിദ്ധീകരിച്ച ഒരു പഠനപ്രകാരം വൈകി അത്താഴം കഴിക്കുന്നത് വിശപ്പ് കൂട്ടാനും അതുപോലെ വയർ നിറഞ്ഞതിൻ്റെ സിഗ്നലുകൾ അയക്കുന്ന ഹോർമോണായ ലെപ്റ്റിൻ കുറയുന്നതുമായി ബന്ധപ്പെട്ടിരിക്കുന്നു. ഈ രീതി പിന്തുടരുന്നത് പെട്ടെന്ന് പൊണ്ണത്തടി ഉണ്ടാക്കാൻ കാരണമായേക്കാം.
