അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശുചിമുറിയിൽ പോയ വനിതാ പൈലറ്റ് തിരിച്ചെത്തിയപ്പോൾ അകത്തുകയറാൻ സമ്മതിക്കാതെ കോക്ക്പിറ്റ് അടച്ച് സഹ പൈലറ്റ്. സിഡ്‌നി – കൊളംബോ ശ്രീലങ്കൻ എയർലൈൻസ് വിമാനത്തിലാണ് സംഭവം അരങ്ങേറിയത്.
സാധാരണ ഓപ്പറേറ്റിംഗ് നടപടിക്രമങ്ങൾ അനുസരിച്ച് കോക്ക്പിറ്റിൽ നിന്ന് പുറത്തിറങ്ങുമ്പോൾ പകരക്കാരനെ ക്രമീകരിക്കണം. അങ്ങനെ ചെയ്യാതെ വനിതാ പൈലറ്റ് പുറത്ത് ശുചിമുറിയിലേക്ക് പോയതാണ് സഹ പൈലറ്റിനെ പ്രകോപിതനാക്കിയത്. ഇരുവരും തമ്മിലുണ്ടായ തർക്കത്തിൽ വിമാനത്തിലെ മറ്റ് ജീവനക്കാരും ഇടപെട്ടിരുന്നു.
സംഭവത്തെക്കുറിച്ച് ശ്രീലങ്കയിലെ സിവിൽ ഏവിയേഷൻ അതോറിറ്റി അന്വേഷണം ഏർപ്പെടുത്തി. അന്വേഷണം പൂർത്തിയാകുന്നതുവരെ പുരുഷ പൈലറ്റിനെ ജോലിയിൽ നിന്ന് മാറ്റിനിർത്തിയതായി വിമാന കമ്പനിയും അറിയിച്ചു. 10 മണിക്കൂർ നീണ്ട വിമാനത്തിലാണ് സംഭവം നടന്നത്. സുരക്ഷാ ആശങ്കകൾ മുൻനിർത്തിയാണ് കോക്ക്പിറ്റിൽ കുറഞ്ഞത് രണ്ട് ജീവനക്കാരുടെ സാന്നിധ്യം നിർബന്ധമായാക്കിയിരിക്കുന്നത്.
STORY HIGHLIGHT: pilot locked in woman co pilot
