അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നായിക നായകൻ റിയാലിറ്റിഷോകളിലൂടെ മലയാളികൾക്ക് സുപരിചിതരായ സെലിബ്രിറ്റി കപ്പിൾസാണ് മാളവിക കൃഷ്ണദാസും തേജസ് ജ്യോതിയും. കുടുംബ വിശേഷങ്ങളെല്ലാം തന്നെ മാളവിക തന്റെ യുട്യൂബ് ചാനലിലൂടെ ആരാധകരുമായി പങ്കുവെയ്ക്കാറുണ്ട്. താരം സമൂഹ മാധ്യമങ്ങളിലൂടെ പങ്കിട്ട പുതിയ ചിത്രങ്ങളും വീഡിയോസുമാണ് ഇപ്പോൾ ചർച്ചയാകുന്നത്.
തങ്ങൾക്കിടയിലേക്ക് പുതിയൊരു അതിഥി വരുന്ന ത്രില്ലിലാണ് താരങ്ങൾ. പ്രസവം അടുക്കുമ്പോൾ നടത്താറുള്ള വളകാപ്പ് ചടങ്ങ് ഭർത്താവിനും കുടുംബത്തിനുമൊപ്പം ആഘോഷമായി നടത്തിയതിന്റെ വീഡിയോസും ചിത്രങ്ങളുമാണ് യൂട്യൂബ് ചാനലിലൂടെയും ഇൻസ്റ്റാഗ്രാമിലൂടെയും മാളവിക ഏറ്റവും പുതിയതായി പങ്കിട്ടത്. പച്ചയും ഓറഞ്ചും നിറത്തിലുള്ള ഹെവി ബോർഡർ പട്ടുസാരിയുടുത്താണ് മാളവിക വളകാപ്പിന് ഒരുങ്ങിയെത്തിയത്.
മുല്ലപ്പൂവും കഴുത്തിലും കാതിലും നിറയെ ആഭരണങ്ങളും അണിഞ്ഞ് നവവധുവിനെപ്പോലെ അതീവ സുന്ദരിയായിരുന്നു ചടങ്ങിൽ മാളവിക. ഒലിവ് ഗ്രീൻ നിറത്തിലുള്ള കുർത്തയും കസവ് മുണ്ടുമായിരുന്നു തേജസിന്റെ വേഷം. അമ്മയാവാന്‍ പോവുന്നതിന്റെ സന്തോഷം മാളുവിന്റെ മുഖത്ത് കാണാം.
View this post on Instagram
വളകാപ്പ് വീഡിയോ വൈറലായതോടെ നിരവധി പേരാണ് ഇരുവർക്കും ആശംസകളുമായി എത്തിയത്. മാളവികയുടെ ലുക്ക് കാണുമ്പോൾ പേളി മാണിയുടെ വളകാപ്പ് ഓർമ വരുന്നുവെന്നും കമന്റുകളുണ്ട്. കുഞ്ഞതിഥിയുടെ വരവിന് മുന്നോടിയായി പുതിയ ഫ്‌ളാറ്റിലേക്ക് മാളവികയും തേജസും മാറിയിരുന്നു. മാളവികയുടെയും തേജസിന്റേയും കൺമണിയെ കാണാനുള്ള ആകാംഷയിലാണ് ആരാധകരും. ഒന്നരവർഷം മുമ്പായിരുന്നു ഇരുവരുടെയും വിവാഹം.
STORY HIGHLIGHT: malavika krishnadas valaikappu ceremony video
