അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മൂന്ന് വർഷത്തോളം ഉയർന്ന അന്തരീക്ഷ മലിനീകരണമുള്ള പ്രദേശത്ത് ജീവിക്കുന്നവർക്ക് ശ്വാസകോശ അർബുദം വരാനുള്ള സാധ്യത 73 ശതമാനമായി വർദ്ധിച്ചതായി പുതിയ പഠനം. മലിനീകരണമുള്ള പുകമഞ്ഞ് നിങ്ങളുടെ ശ്വാസകോശത്തിലെ ആരോഗ്യകരമായ കോശങ്ങളെ നശിപ്പിക്കുകയും അവയിൽ ജനിതക മാറ്റങ്ങൾ വരുത്തുകയും ചെയ്യുന്നു. ഇംഗ്ലണ്ടിലെ ഫ്രാൻസിസ് ക്രിക്ക് ഇൻസ്റ്റിറ്റ്യൂട്ടിൽ 33,000 ആളുകളിൽ നടത്തിയ പഠനത്തിലാണ് ഞെട്ടിപിപ്പിക്കുന്ന വെളിപ്പെടുത്തൽ.
ശ്വാസകോശ അർബുദമുള്ളവരിലാണ് പഠനം നടത്തിയത്. വിശദ പരിശോധനയിൽ ഇവരുടെ ശ്വാസകോശത്തിൽ വളരെ സൂക്ഷ്മമായ മലിനീകരണ കണങ്ങൾ കണ്ടെത്തി. ഇവരിൽ എപ്പിഡെർമൽ ഗ്രോത്ത് ഫാക്ടർ റിസപ്റ്റർ (ഇഎഫ്ജിആർ) അധിഷ്ഠിത കാൻസർ വരാനുള്ള സാധ്യത വർദ്ധിക്കുന്നു. പ്രായമാകുന്തോറും നമ്മുടെ ശരീരത്തിൽ ക്യാൻസറിന് കാരണമാകുന്ന കോശങ്ങൾ വർദ്ധിക്കുന്നതായി ഗവേഷകനായ ചാൾസ് സ്വന്റൺ പറയുന്നു. എന്നാൽ സാധാരണയായി അത് സജീവമായി നിലനിൽക്കില്ല. വായു മലിനീകരണം ഈ കോശങ്ങളെ സജീവമാക്കുന്നു. ഇതുമൂലം ട്യൂമറും പിന്നീട് ക്യാൻസറും വരാനുള്ള സാധ്യത വർദ്ധിക്കുന്നു.
അന്തരീക്ഷ മലിനീകരണം ഹൃദ്രോഗം മുതൽ ശ്വാസകോശ അർബുദത്തിന് വരെ കാരണമാകുന്നു. ക്യാൻസർ വരുന്നതിന് രണ്ട് ഘട്ടങ്ങളുണ്ടെന്നാണ് ചാൾസ് സ്വന്റൺ പറയുന്നത്. കണികാ ദ്രവ്യമാണ് (പിഎം) ഏറ്റവും കൂടുതൽ നാശം വരുത്തുന്നത്. ഇത് കണ്ടെത്താനായി ചാൾസും സംഘവും എലികളിൽ ഗവേഷണം നടത്തി. എലികളെ ലാബിൽ മലിനീകരണ അന്തരീക്ഷത്തിൽ സൂക്ഷിച്ചു. ഇത് എലികളുടെ ശ്വാസകോശത്തിലെ കോശങ്ങളിൽ മാറ്റങ്ങൾ സൃഷ്ടിക്കാൻ തുടങ്ങി. പതിയെ എലികളുടെ ശ്വാസകോശത്തിൽ കാൻസർ സെല്ലുകൾ രൂപപ്പെട്ടു. പഠനം തെളിഞ്ഞതോടെ ഇംഗ്ലണ്ട്, തായ്‌വാൻ, ദക്ഷിണ കൊറിയ എന്നിവിടങ്ങളിൽ നിന്ന് 32,957 രോഗങ്ങളും പാരിസ്ഥിതിക വിവരങ്ങളും സംഘം ആവശ്യപ്പെട്ടിട്ടുണ്ട്.
