മോമോസ് ഇത്രേം എളുപ്പം ആയിരുന്നോ അതും ഇത്രയും രുചിയും

ഈവനിഗ് സ്നാക്കുകൾക്കൊപ്പം വിവിധ തരം മോമോസുകൾ ഇന്ന് കഫേകളിലും നിരത്തുകളിലെ കടകളിലും ലഭ്യമാണ്. നിങ്ങൾക്ക് മോമോസ് കഴിക്കാൻ താൽപ്പര്യമുണ്ടെങ്കിൽ, അവ വീട്ടിൽ തന്നെ എളുപ്പത്തിൽ ഉണ്ടാക്കാവുന്നതാണ്. മോമോസ് ഉണ്ടാക്കുന്നത് ബുദ്ധിമുട്ടുള്ള കാര്യമല്ല. നോൺ വെജ് പ്രേമികൾക്ക് ചിക്കൻ മോമോസ് കഴിക്കാനാണ് ഏറെ ഇഷ്ടം. സ്പെഷ്യൽ ചിക്കൻ മോമോസ് വീട്ടിൽ തന്നെ ഉണ്ടാക്കുന്ന രീതി നമുക്ക് പെട്ടെന്ന് മനസിലാക്കാവുന്നതാണ്.

ചിക്കൻ മോമോസ് ഉണ്ടാക്കാനുള്ള ചേരുവകൾ:

3 കപ്പ് മാവ്

1 ഉള്ളി (നന്നായി അരിഞ്ഞത്)

വെളുത്തുള്ളി 4 അല്ലി മുതൽ 5 വരെ

1 കപ്പ് വേവിച്ച ചിക്കൻ (അരച്ചെടുത്തത്)

1 ടേബിൾസ്പൂൺ എണ്ണ (സ്റ്റഫിംഗിന്)

1 ടീസ്പൂൺ കുരുമുളക് പൊടി

ഉപ്പ് പാകത്തിന്

2 ടീസ്പൂൺ ചെറുതായി അരിഞ്ഞ മല്ലി ഇല (ഓപ്ഷണൽ)

ആദ്യം, ഒരു പാത്രത്തിൽ മാവിൽ ഒരു നുള്ള് ഉപ്പും വെള്ളവും ചേർത്ത് മൃദുവായി കുഴച്ച് സെറ്റ് ആകാൻ മൂടി വയ്ക്കുക.

മോമോസിനുള്ള സ്റ്റഫിംഗ് ഉണ്ടാക്കാൻ, ഒരു പാത്രത്തിൽ ചതച്ച ചിക്കൻ, ഉള്ളി, വെളുത്തുള്ളി, പച്ച മല്ലിയില എന്നിവ അരിഞ്ഞത് നന്നായി ഇളക്കുക.

ഇനി ഇതിലേക്ക് എണ്ണ, കുരുമുളക് പൊടി, ഉപ്പ് എന്നിവ ചേർക്കുക.

നിശ്ചിത സമയത്തിന് ശേഷം, മാവ് ഉരുണ്ട ഉരുളകളാക്കി, ഉണങ്ങിയ മാവിൽ പൊതിഞ്ഞ് ചെറിയ നേർത്ത ഉരുളകളാക്കി ഉരുട്ടുക.

ശേഷം മോമോസ് ഫില്ലിംഗ് അതിൻ്റെ നടുവിൽ നിറച്ച് ഷേപ്പ് നൽകിയ ശേഷം അടയ്ക്കുക. എല്ലാ മോമോകളും ഇതുപോലെ നിറച്ച് തയ്യാറാക്കുക.

പാചകം ചെയ്യാനായി ഇഡലി പാത്രം ഉപയോഗിക്കാം. താഴെ പാത്രത്തിൽ പകുതിയിലധികം വെള്ളം നിറച്ച് ഗ്യാസിൽ ചൂടാക്കുക.

അതിനുശേഷം മുകളിലെ തട്ടിൽ മോമോസ് വയ്ക്കുക. താഴെ ഭാഗത്ത് ചൂടുവെള്ളം നിറയ്ക്കുക.

10 മിനിറ്റ് കുറഞ്ഞ തീയിൽ ആവിയിൽ വേവിക്കുക.