അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: കല്ലടിക്കോട് കാറും ലോറിയും കൂട്ടിയിടിച്ചുണ്ടായ അപകടത്തിൽ ലോറി ഡ്രൈവർ കസ്റ്റഡിയിൽ. തിരുവണ്ണാമല സ്വദേശി വിഘ്നേഷിനെയാണ് കല്ലിക്കോട് പൊലീസ് കസ്റ്റഡിയിലെടുത്തത്.
അപകടത്തിൽ അഞ്ചു പേർ മരിച്ചിരുന്നു. കാർ യാത്രികരായ കോങ്ങാട് സ്വദേശികളാണ് മരിച്ചത്. മരിച്ച അഞ്ച് പേരെയും തിരിച്ചറിഞ്ഞിട്ടുണ്ട്. കോങ്ങാട് മണ്ണന്തറ സ്വദേശികളായ ടി.വി വിഷ്ണു, കെ.കെ വിജീഷ്, വീണ്ടപ്പാറ സ്വദേശി രമേശ്, മണിക്കശ്ശേരി സ്വദേശി മുഹദ് അഫ്സൽ, മഹേഷ് എന്നിവരാണ് മരിച്ചത്.
വാഹനം പൊളിച്ചാണ് അകത്തുള്ളവരെ പുറത്തെത്തിച്ചത്. അപകടത്തിൽ ഗുരുതരമായി പരിക്കേറ്റവരെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. മൃതദേഹം പാലക്കാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്. ഇന്ന് 8 മണിയോടെ പോസ്റ്റുമാർട്ടം നടപടികൾ ആരംഭിക്കും
