അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സുല്‍ത്താന്‍ ബത്തേരി: കാറില്‍ കടത്തുകയായിരുന്ന മാരകായുധങ്ങളും തിരകളുമായി മൂന്ന് പേര്‍ പിടിയില്‍. കല്‍പ്പറ്റ സ്വദേശി സെയ്ദ് (41), മലപ്പുറം സ്വദേശികളായ അജ്മല്‍ അനീഷ് എന്ന അജു (20), പി നസീഫ് (26) എന്ന ബാബുമോന്‍ എന്നിവരാണ് പിടിയിലായത്.
ചൊവ്വാഴ്ച രാത്രിയില്‍ പട്രോളിംഗ് ഡ്യൂട്ടിക്കിടെ ബത്തേരി ചുങ്കം ജംഗ്ഷനില്‍ വാഹന പരിശോധന നടത്തുമ്പോഴാണ് KL 55 Y 8409 എന്ന നമ്പര്‍ മാരുതി ആള്‍ട്ടോ കാറിന്റെ ഡിക്കിയില്‍ യാതൊരു രേഖകളുമില്ലാതെ അനധികൃതമായി സൂക്ഷിച്ച ആയുധങ്ങളും തോക്കിന്‍ തിരകളുമായി സംഘം പിടിയിലാവുന്നത്. ഇവരില്‍ നിന്നും നാല് തിരകളും കത്തികളും കണ്ടെടുത്തു.
കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
