മാവ് അരയ്ക്കാൻ സമയമില്ലേ? വിഷമിക്കേണ്ട, നേന്ത്രപ്പഴം ഉണ്ടെങ്കിൽ അഞ്ച് മിനിറ്റിൽ ദോശ തയ്യാർ | dosa-instant-recipe-with-banana

ദോശ ഉണ്ടാക്കാൻ മാവ് അരച്ചുവെക്കാൻ മറന്നുപോയോ? എങ്കിൽ വിഷമിക്കേണ്ട. നേന്ത്രപ്പഴം ഉണ്ടെങ്കിൽ അഞ്ച് മിനിറ്റിൽ അടിപൊളി ദോശ ഉണ്ടാക്കാം. ഇതിന് നന്നായി പഴുത്ത ഒരു പുഴുങ്ങിയ നേന്ത്രപ്പഴം ആണ് ആവശ്യം. പഴം ചേർക്കുന്നത് കൊണ്ട് തന്നെ വ്യത്യസ്തമായ രുചയിൽ ഈ ദോശ ലഭിക്കും. മാത്രമല്ല ഇത് കഴിക്കാൻ മറ്റു കറികളുടെ ആവശ്യവുമില്ല. അല്പം തേങ്ങാപ്പാൽ കൂടി കോമ്പിനേഷൻ ആയി കൊടുത്താൽ കുശാലായി.

ഇസ്രത് പ്രവീൺ തൻ്റെ ഇൻസ്റ്റഗ്രാം പേജിലൂടെയാണ് പഴം ഉപയോഗിച്ച് ദോശ തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

പഴം- 3
വെള്ളം- 1 കപ്പ്
ശർക്കര- 1/4 കപ്പ്
റവ- 1/4 കപ്പ്
അരിപ്പൊടി- 1/4 കപ്പ്
ഉപ്പ്- ആവശ്യത്തിന്

തയ്യാറാക്കുന്ന വിധം

• പഴുത്ത നേന്ത്രപ്പഴം മൂന്നെണ്ണം പുഴുങ്ങിയെടുക്കുക.
• അത് അരച്ചെടുക്കുക.
• അരച്ചെടുത്ത പഴത്തിലേക്ക് ഒരു കപ്പ് ഗോതമ്പ് പൊടി, കാൽ കപ്പ് അരിപ്പൊടി, കാൽ കപ്പ് ശർക്കര ലായനി, ആവശ്യത്തിന് ഉപ്പ് എന്നിവ ചേർക്കുക.
• ആവശ്യത്തിന് വെള്ളം കൂടി ഒഴിച്ച് അരച്ചെടുക്കുക.
• ഒരു പാൻ അടുപ്പിൽ വച്ച് അൽപ്പം നെയ്യ് പുരട്ടി ചൂടാക്കുക.
• ആവശ്യത്തിന് മാവെടുത്ത് പാനിലേക്ക് ഒഴിച്ച് ദോശ ചുട്ടെടുക്കുക.

content highlight: dosa-instant-recipe-with-banana