അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടികള്‍ക്കും മുതിര്‍ന്നവര്‍ക്കുമെല്ലാം ഒരു പോലെ കഴിയ്ക്കാവുന്ന സമീകൃതാഹാരമാണ് മുട്ട . ബോയില്‍ഡ് എഗ് ഡയറ്റ് എന്ന പ്രത്യേക രീതിയിലെ ഡയറ്റു തന്നെയുണ്ട്. തടിയും വയറും കുറയാന്‍ സഹായിക്കുന്നത്. പ്രോട്ടീന്‍, കാല്‍സ്യം, വൈറ്റമിന്‍ ഡി, വൈറ്റമിന്‍ ബി6 തുടങ്ങി പല പോഷകങ്ങളും ഒത്തിണങ്ങിയതാണ് മുട്ട.
മുട്ട എങ്ങനെ കഴിച്ചാലാണ് ആരോഗ്യപരമായ ഗുണങ്ങള്‍ കൂടുകയെന്നതാണ് പലര്‍ക്കുമുള്ള സംശയം. ചിലര്‍ പച്ചമുട്ട കഴിയ്ക്കുന്നതാണ് കൂടുതല്‍ നല്ലതെന്നു പറയും. എന്നാല്‍ പച്ച മുട്ട കഴിയ്ക്കാതിരിയ്ക്കുന്നതാണ് നല്ലത്. കാരണം സാല്‍മൊണെല്ല എന്ന ബാക്ടീരിയ വളരാന്‍ സാധ്യതയുളള ഒന്നാണിത്. നല്ലതു പോലെ വേവിച്ചില്ലെങ്കില്‍ മുട്ടയില്‍ നിന്നും ഈ അണുബാധ വരാന്‍ സാധ്യതയേറെയാണ്. അപ്പോള്‍ പിന്നെ പച്ചമുട്ട കഴിയ്ക്കുന്നത് അത്രയേറെ റിസ്‌കാണെന്നു വേണം പറയാന്‍. മുട്ട നല്ലതു പോലെ വേവിച്ച ശേഷം വേണം, കഴിയ്ക്കാന്‍.
ഇതു പോലെ തന്നെ മുട്ട പുഴുങ്ങിക്കഴിയ്ക്കുന്നതാണ് കൂടുതല്‍ നല്ലതെന്നു പറയാം. പുഴുങ്ങിയ മുട്ടയില്‍ പ്രോട്ടീന്‍ കൂടുതലാണ്. ഇത് പെട്ടെന്നു തന്നെ ശരീരത്തിന് ആഗിരണം ചെയ്യാന്‍ സാധിയ്ക്കും. മുട്ടയുടെ ബയോഅവൈലിലിററി എന്നു പറയാം. ഇത് പുഴുങ്ങിയ, അതായത് മഞ്ഞ നല്ലതു പോലെ ഉറയ്ക്കും വരെ പുഴുങ്ങിയ മുട്ടയിലാണ് കൂടുതലായി ഉള്ളത്. പച്ചമുട്ടയില്‍ ഈ ബയോഅവൈയ്‌ലബിലിറ്റി 50 ശതമാനം മാത്രമാണ്. അതായത് പ്രോട്ടീന്‍ ശരീരം പൂര്‍ണമായി പ്രയോജനപ്പെടുത്തുന്നത് നല്ലതു പോലെ പുഴുങ്ങിയ മുട്ടയില്‍ നിന്നാണ്. ഇതിനാല്‍ തന്നെ ഇതേറെ ആരോഗ്യകരമെന്നു പറയാം.
മുട്ട പുഴുങ്ങുമ്പോള്‍ നാം സാധാരണ രീതിയില്‍ വെള്ളത്തില്‍ മുട്ടയിട്ട് തിളപ്പിച്ച് ഇത് തണുക്കുമ്പോഴോ തണുത്ത വെള്ളത്തിലിട്ടോ തോടു കളഞ്ഞെടുക്കുകയാണ് ചെയ്യുന്നത്. എന്നാല്‍ മുട്ട പുഴുങ്ങാന്‍ ഏറെ നല്ല വഴി ഇതല്ല. വെള്ളം തിളപ്പിയ്ക്കുക. ഇതിലേയ്ക്ക് മുട്ടയിട്ട് പുഴുങ്ങിയെടുക്കുക. ഇപ്രകാരം പുഴുങ്ങുന്ന മുട്ടയ്ക്ക് ബയോഅവൈയ്‌ലബിലിറ്റി കൂടുതലാണ്. മാത്രമല്ല ഇത്തരം മുട്ടയുടെ തോട് പെട്ടെന്നു നീക്കാനും സാധിയ്ക്കും.
