അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂര്‍: വന്‍ദുരന്തത്തില്‍ നിന്ന് തലനാരിഴയ്ക്ക് രക്ഷപ്പെട്ട് തിരുവനന്തപുരം- കാസര്‍കോട് വന്ദേഭാരത് എക്സ്പ്രസ്. വന്ദേഭാരതിന് മുന്നിലൂടെ കോണ്‍ക്രീറ്റ് മിക്സിങ് വാഹനം കടന്നുപോകുകയായിരുന്നു. കൃത്യസമയത്ത് എമര്‍ജന്‍സി ബ്രേക്ക് ഉപയോഗിച്ച് ലോക്കോ പൈലറ്റ് ട്രെയ്ന്‍ വേഗത കുറച്ചതിനാല്‍ വന്‍ അപകടമാണ് ഒഴിവായത്.
ശനിയാഴ്ച ഉച്ചയ്ക്ക് ഒന്നിനായിരുന്നു സംഭവം. പയ്യന്നൂര്‍ സ്റ്റേഷന് സമീപത്ത് വെച്ചായിരുന്നു ഈ സംഭവം നടന്നത്. പയ്യന്നൂര്‍ സ്റ്റേഷനില്‍ നവീകരണ പ്രവര്‍ത്തനങ്ങള്‍ നടക്കുകയാണ്.
സ്റ്റേഷനിലെ നിര്‍മാണ പ്രവര്‍ത്തനങ്ങള്‍ക്ക് എത്തിച്ച ലോറിയാണ് അപകടസാധ്യതയുണ്ടാക്കിയത്. സംഭവത്തെ തുടര്‍ന്ന് ഡ്രൈവറേയും വാഹനവും ആര്‍.പി.എഫ് കസ്റ്റഡിയിലെടുത്തു.
