അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പരുക്കനായ വിള്ളലുകളുള്ള ഉപ്പൂറ്റിയും നിറം മങ്ങിയ കാൽപാദവും ആരും ആഗ്രഹിക്കില്ല. അങ്ങനെയെങ്കിൽ ഇനി മുതൽ ശീലങ്ങളിൽ അൽപ്പം മാറ്റം കൊണ്ടു വരാം. ഡെർമറ്റോളജിസ്റ്റായ ഡോയ ഗീതിക മിത്തൽ അവ എന്തൊക്കെയെന്ന് വ്യക്തമാക്കുന്നു.
വരൾച്ച തടയാം
പാദങ്ങളിൽ ക്രീം പുരട്ടുന്നത് ശീലമാക്കുക. ദിവസേന അത് ചെയ്യുക. ദിവസത്തിൽ രണ്ട് തവണയെങ്കിലും പാദങ്ങൾ മോയ്സ്ചറൈസ് ചെയ്യണമെന്നാണ് വിദഗ്ധർ പറയുന്നത്. അത് പകൽ എപ്പോഴെങ്കിലും, കിടക്കുന്നതിനു തൊട്ട് മുമ്പ് എന്നീ സമയങ്ങളിലായിരിക്കണം.
ജലാംശം നഷ്ടപ്പെടുന്നതിനാലാണ് വരൾച്ച അനുഭവപ്പെടുന്നത്. അമിതമായി ഈർപ്പം നഷ്ടമാകുന്നത് തടയാൻ വാസലിൻ പോലെയുള്ള പെട്രോളിയം ജെല്ലി അൽപ്പം പുരട്ടാവുന്നതാണ്.
ഉപ്പൂറ്റി വീണ്ടു കീറുന്നതു തടയാൻ സഹായിക്കുന്ന സോക്സുകൾ വിപണയിൽ ലഭ്യമാണ്. അവ പാദങ്ങളിലെ ഈർപ്പം നിലനിർത്തുന്നു എന്നതാണ് പ്രധാനം. കറ്റാർവാഴ, വിറ്റാമിൻ ഇ, ഷിയ ബട്ടർ എന്നിങ്ങനെ മോയ്സ്ചറൈസിംഗ് ഗുണങ്ങളുള്ള ചേരുവകൾ അതിൽ അടങ്ങിയിട്ടുണ്ടാകാം.
ഉപ്പൂറ്റിയിൽ വിള്ളലുകൾ ഉള്ളപ്പോൾ അതീവ ശ്രദ്ധയോടെ വേണം ക്രീമുകളും മറ്റ് ഉത്പന്നങ്ങളും പാദങ്ങളിൽ ഉപയോഗിക്കാൻ. അവ മുറിവായതിനാൽ ഇൻഫെക്ഷൻ സാധ്യത ഏറെയുണ്ട്. വീണ്ടു കീറൽ കുറഞ്ഞതിനു ശേഷം പാദ ചർമ്മകൾ ഇടയ്ക്ക് എക്സ്ഫോളിയേറ്റ് ചെയ്യുക.
പാദത്തിനു ചുറ്റുമുള്ള മൃതകോശങ്ങൾ പതിവായി നീക്കം ചെയ്യേണ്ടതുണ്ട്. പാദങ്ങൾ ഏകദേശം 15 മുതൽ 20 മിനിറ്റ് വരെ ചെറുചൂടുള്ള വെള്ളത്തിൽ മുക്കിവയ്ക്കുക, തുടർന്ന് ഫൂട്ട് സ്‌ക്രബ്ബർ അല്ലെങ്കിൽ പ്യൂമിക് സ്റ്റോൺ ഉപയോഗിച്ച് ചർമ്മം നീക്കം ചെയ്യുക.
കാൽപാദത്തിലെ വിണ്ടുകീറലിനുള്ള നല്ലൊരു പ്രകൃതിദത്ത പരിഹാരമാണ് തേൻ. ആൻറി ബാക്ടീരിയൽ, ആന്റിമൈക്രോബിയൽ ഗുണങ്ങൾ അതിനുണ്ട്. തേൻ ഈർപ്പം നിലനിർത്തുക മാത്രമല്ല അണുബാധകളെ അകറ്റി നിർത്തുകയും ചെയ്യുന്നു. തേൻ സ്‌ക്രബ്ബായി പുരട്ടാം അല്ലെങ്കിൽ മാസ്ക് ആയും ഉപയോഗിക്കാം.
