അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കറുത്തുപോയ പഴവും ഓട്സും ഉണ്ടെങ്കിൽ പെട്ടെന്ന് ഉണ്ടാക്കാം രുചിയേറും പഴം പാൻ കേക്ക്. കുട്ടികൾക്കും ഏറെ ഇഷ്ടമാകും ഈ പലഹാരം.
ചേരുവകൾ
- ഓട്സ് – അര കപ്പ്
- പഴുത്തുകൂടിയ പഴം – 6
- മുട്ട – രണ്ടെണ്ണം
- ഏലക്കാപ്പൊടി – അര ടീസ്പൂൺ
- കറുവപ്പട്ട പൊടിച്ചത് – അര ടീസ്പൂൺ
- കൊക്കോ പൌഡർ – 1 ടേബിൾ സ്പൂൺ
- വെണ്ണ – രണ്ട് ടേബിൾ സ്പൂൺ
തയ്യാറാക്കുന്ന വിധം
ഓട്സ് ചെറിയ തീയിൽ വറുക്കുക. മിക്സിയുടെ വലിയ ജാർ എടുത്ത് അതിലേക്ക് പഴം അരിഞ്ഞതും മുട്ടയും ചേർത്ത് നന്നായി അടിച്ചെടുക്കുക. ഇതിലേക്ക് വറുത്ത ഓട്സും, ഏലക്കപ്പൊടിയും, കറുവപ്പട്ടപ്പൊടിയും, കൊക്കോ പൗഡറും കൂടെ ചേർത്ത് വീണ്ടും അടിച്ചെടുക്കുക. ചൂടായ ദോശകല്ലിൽ വെണ്ണ തടവിയതിന് ശേഷം ഓരോ തവിവീതം ഒഴിച്ച് തിരിച്ചും മറിച്ചും ഇട്ട് ചുട്ടെടുക്കാം.
STORY HIGHLIGHT: banana pancake
