അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കിളിമീൻ ഏറ്റവും രുചികരമായ രീതിയിൽ കറി തയ്യാറാക്കുന്നത് നോക്കിയാലോ? കിളിമീൻ ഇഷ്ടമല്ലാത്തവരാണ് നിങ്ങളെങ്കിൽ ഇതുപോലെ വെച്ചാൽ തീർച്ചയായും കഴിക്കും. തയ്യാറാക്കുന്നത് എങ്ങനെയാണെന്ന് നോക്കാം.
ആവശ്യമായ ചേരുവകൾ
- മുളകുപൊടി -മൂന്ന് ടേബിൾസ്പൂൺ
- മല്ലിപ്പൊടി -അര ടേബിൾ സ്പൂൺ
- വെളിച്ചെണ്ണ -ഒരു ടേബിൾ സ്പൂൺ
- തേങ്ങ -ഒരു കൈപ്പിടി
- വെള്ളം
- വെളിച്ചെണ്ണ -മൂന്ന് ടേബിൾസ്പൂൺ
- കടുക് -ഒരു ടീസ്പൂൺ
- ഉലുവ -കാൽ ടേബിൾ സ്പൂൺ
- പച്ചമുളക് -ഒന്ന്
- വെളുത്തുള്ളി
- ചെറിയുള്ളി
- കറിവേപ്പില
- മഞ്ഞൾപൊടി -കാൽ ടേബിൾ സ്പൂൺ
- ഉപ്പ്
- കുടംപുളി
- കിളി മീൻ
- ഉലുവപ്പൊടി -കാൽ ടേബിൾ സ്പൂൺ
തയ്യാറാക്കുന്ന വിധം
ഒരു പാനിൽ മുളകുപൊടി മല്ലിപ്പൊടി വെളിച്ചെണ്ണ ഇവ ചേർത്ത് പൊടികൾ നന്നായി ചൂടാക്കി എടുക്കുക. ശേഷം ഇതിനെ മിക്സി ജാറിലേക്ക് മാറ്റി തേങ്ങയും ആവശ്യത്തിന് വെള്ളവും ഒഴിച്ച് നന്നായി അരച്ചെടുക്കാം. ഒരു മൺകലത്തിൽ വെളിച്ചെണ്ണ ചൂടാക്കുക. കടുകും ഉലുവയും ചേർത്ത് പൊട്ടുമ്പോൾ വെളുത്തുള്ളി, ചെറിയ ഉള്ളി, കറിവേപ്പില ഇവ ചേർത്ത് നന്നായി മൂപ്പിക്കാം. മഞ്ഞൾപൊടി ചേർത്ത് പച്ചമണം മാറുന്നതുവരെ മിക്സ് ചെയ്ത ശേഷം അരപ്പ് ഒഴിച്ചു കൊടുക്കാം. ഉപ്പും ആവശ്യത്തിന് വെള്ളവും ചേർത്ത് നന്നായി തിളപ്പിക്കുക. പുളി കൂടി ചേർക്കാം. ഇനി മീൻ ചേർത്ത് ഒന്ന് തിളക്കുമ്പോൾ തീ ഓഫ് ചെയ്യാം. അവസാനമായി ഉലുവ പൊടിയും കറിവേപ്പിലയും ചേർത്ത് മിക്സ് ചെയ്യാം.
