അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നല്ല നാടൻ രുചിയുള്ള ചെമ്മീൻ റോസ്റ്റ് തയ്യാറാക്കിയാലോ? വലിയ ചെമ്മീൻ കിട്ടുമ്പോൾ ഇതുപോലെ തയ്യാറാക്കി നോക്കൂ, കൊതിയോടെ കഴിക്കാനായി കിടിലൻ ചെമ്മീൻ വിഭവം. തയ്യാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകൾ
- ചെമ്മീൻ -അരക്കിലോ
- മഞ്ഞൾപൊടി -കാൽ ടീസ്പൂൺ
- മുളകുപൊടി -രണ്ട് ടീസ്പൂൺ
- കുരുമുളകുപൊടി -ഒരു ടീസ്പൂൺ
- ഉപ്പ്
- ഓയിൽ
- ഇഞ്ചി -ഒരു ടീസ്പൂൺ
- വെളുത്തുള്ളി -ഒരു ടീസ്പൂൺ
- തേങ്ങാക്കൊത്ത് -ഒരു ടേബിൾ സ്പൂൺ
- ചെറിയുള്ളി -20
- സവാള -ഒന്ന്
- പച്ചമുളക് -രണ്ട്
- കറിവേപ്പില
- മഞ്ഞൾപൊടി -കാൽ ടീസ്പൂൺ
- മുളകുപൊടി -രണ്ട് ടീസ്പൂൺ
- കുരുമുളകുപൊടി -അര ടീസ്പൂൺ
- ഗരം മസാല -കാൽ ടീസ്പൂൺ
- തക്കാളി -ഒന്ന്
- വെള്ളം
തയ്യാറാക്കുന്ന വിധം
ആദ്യം ചെമ്മീനിൽ മുളകുപൊടി, മഞ്ഞൾപൊടി, കുരുമുളകുപൊടി, ഉപ്പ് എന്നിവ ചേർത്ത് നന്നായി തേച്ചുപിടിപ്പിച്ച് അരമണിക്കൂർ മാറ്റിവയ്ക്കുക, ശേഷം ഒരു പാനിൽ എന്നെ ഒഴിച്ച് ചെമ്മീൻ ഫ്രൈ ചെയ്തെടുക്കാം. മറ്റൊരു പാനലിലേക്ക് ചെമ്മീൻ ഫ്രൈ ചെയ്ത കുറച്ച് എണ്ണ ഒഴിച്ച് കൊടുക്കാം. ചൂടാകുമ്പോൾ ഇഞ്ചി, വെളുത്തുള്ളി ചതച്ചത് ചേർത്ത് ആദ്യം വഴറ്റാം. ശേഷം ചെറിയ ഉള്ളി, സവാള, തേങ്ങ കൊത്ത് പച്ചമുളക്, കറിവേപ്പില എന്നിവ ചേർക്കാം. നല്ലതുപോലെ വഴറ്റിയതിനുശേഷം മസാല പൊടികൾ ചേർക്കാം. പച്ചമണം മാറുന്നതുവരെ മിക്സ് ചെയ്തു കഴിഞ്ഞാൽ വറുത്ത് വച്ചിരിക്കുന്ന ചെമ്മീൻ ചേർക്കാം. അല്പം വെള്ളവും കൂടി ഒഴിക്കണം നന്നായി തിളച്ച് വെള്ളം വറ്റി വരുമ്പോൾ തീ ഓഫ് ചെയ്യാം.
