അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വ്യത്യസ്തമായ രുചിയിൽ ഒരു മാങ്ങാ അച്ചാർ തയ്യാറാക്കിയാലോ? സ്വാദിഷ്ടമായ ഉലുവ മാങ്ങ അച്ചാർ റെസിപ്പി നോക്കാം.
ആവശ്യമായ ചേരുവകൾ
- അധികം മൂക്കാത്ത പച്ചമാങ്ങ
- ഉപ്പ്
- മുളകുപൊടി
- ഉലുവ
- എണ്ണ
- കാശ്മീരി ചില്ലി പൗഡർ
തയ്യാറാക്കുന്ന വിധം
അധികം മൂക്കാത്ത പച്ചമാങ്ങ നീളത്തിൽ കട്ട് ചെയ്ത് എടുക്കുക, ഇതിലേക്ക് ആവശ്യത്തിന് ഉപ്പും കുറച്ചു മുളകുപൊടിയും ചേർത്തു കൊടുത്ത് നല്ലതുപോലെ മിക്സ് ചെയ്യണം. ശേഷം വെയിലത്ത് വെച്ച് ഒന്ന് വാട്ടിയെടുക്കാം. ഒരു പാൻ അടുപ്പിലേക്ക് വെച്ച് ഒരു കഷണം കായം ചേർത്ത് കൊടുക്കാം. ചൂടാകുമ്പോൾ ഇതിലേക്ക് മൂന്ന് ടേബിൾസ്പൂൺ ഉലുവ ചേർത്ത് കൊടുക്കാം. ഇത് നല്ലതുപോലെ വറുത്തെടുക്കാം. ശേഷം ചൂടാറാൻ വയ്ക്കണം. ചൂടാറി കഴിയുമ്പോൾ പൊടിച്ചെടുക്കണം.
മറ്റൊരു വലിയ പാൻ അടുപ്പിൽ വച്ച് എണ്ണയൊഴിച്ച് ചൂടാക്കുക. നന്നായി ചൂടാകുമ്പോൾ ഇതിലേക്ക് മാങ്ങ കഷണങ്ങൾ ചേർക്കാം. ഇത് നല്ലതുപോലെ യോജിപ്പിച്ചതിനുശേഷം കാശ്മീരി ചില്ലി പൗഡറും എരിവുള്ള മുളകുപൊടിയും കുറച്ച് ചേർക്കാം. ഉപ്പും ആവശ്യമെങ്കിൽ ചേർക്കാം, നല്ലതുപോലെ യോജിപ്പിച്ചതിനുശേഷം പൊടിച്ചു വച്ചിരിക്കുന്ന ഉലുവ മുഴുവനായി ചേർക്കാം. നല്ലപോലെ മാങ്ങയിൽ പിടിക്കുന്നത് വരെ മിക്സ് ചെയ്തു കൊടുക്കണം. ഒന്ന് രണ്ട് മിനിറ്റ് കഴിയുമ്പോൾ തീ ഓഫ് ചെയ്യാം, ചൂടാറുമ്പോൾ ഭരണിയിൽ ഇട്ട് സൂക്ഷിക്കാം.
