അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കെഎഫ്സി ചിക്കൻ ഇഷ്ടമല്ലാത്തവരായി ആരെങ്കിലും ഉണ്ടോ? നമ്മൾ വീട്ടിൽ ചിക്കൻ മേടിക്കുമ്പോൾ ഇതുപോലെ തയ്യാറാക്കാവുന്നതേയുള്ളൂ. വളരെ എളുപ്പത്തിൽ തയ്യാറാക്കാം. എങ്ങനെയെന്ന് നോക്കിയാലോ?
ആവശ്യമായ ചേരുവകൾ
- ചിക്കൻ
- പാല് -ഒരു ഗ്ലാസ്
- വിനാഗിരി- ഒരു ടീസ്പൂൺ
- വെളുത്തുള്ളി
- സവാള -1/2
- കുരുമുളകുപൊടി -ഒരു ടീസ്പൂൺ
- കാശ്മീരി ചില്ലി പൗഡർ -ഒരു ടീസ്പൂൺ
- വെളുത്തുള്ളി ചതച്ചത്
- ഉപ്പ്
- മൈദ -ഒരു കപ്പ്
- ഇഞ്ചി വെളുത്തുള്ളി പേസ്റ്റ്
- മുട്ട ഒന്ന്
- കോൺഫ്ലോർ -കാൽ കപ്പ്
- മൈദ
- കോൺഫ്ലോർ
- കാശ്മീരി ചില്ലി പൗഡർ -ഒരു ടീസ്പൂൺ
തയ്യാറാക്കുന്ന വിധം
ആദ്യം പാലിലേക്ക് വിനാഗിരി ഒഴിച്ച് 10 മിനിറ്റ് മാറ്റി വയ്ക്കുക. മിക്സിയുടെ ജാറിൽ വെളുത്തുള്ളിയും സവാളയും ചേർത്ത് ചതച്ചെടുക്കാം. പാലിലേക്ക് ചിക്കനും വെളുത്തുള്ളി, സവാള പേസ്റ്റ്, മുളകുപൊടി, ഉപ്പ് കുരുമുളകുപൊടി, ഇവയെല്ലാം ചേർത്ത് മിക്സ് ചെയ്ത് നാലു മണിക്കൂർ മാറ്റിവെക്കുക. ഇനി ഒരു ബാറ്റർ തയ്യാറാക്കണം. അതിനായി മൈദ, കോൺഫ്ലോർ, കാശ്മീരി ചില്ലി പൗഡർ, വെളുത്തുള്ളി ചതച്ചത്, മുട്ട, ഉപ്പ് ഇവ ചേർത്ത് മിക്സ് ചെയ്ത് ഒരു കട്ടിയുള്ള ബാറ്റർ ആക്കി മാറ്റാം. ഒരു പേപ്പറിൽ മൈദയും കോൺഫ്ലോറും കാശ്മീരി ചില്ലി പൌഡറും ഉപ്പും മിക്സ് ചെയ്തു വയ്ക്കാം. നാലുമണിക്കൂറിന് ശേഷം ചിക്കൻ കഷ്ണങ്ങൾ ഓരോന്നായി എടുത്ത തയ്യാറാക്കിയ ബാറ്റർ മുക്കുക. ശേഷം മൈദ നന്നായി ടൈറ്റ് ആയി കോട്ട് ചെയ്യുക. ഇങ്ങനെ ചെയ്തതിനുശേഷം മീഡിയം ഫ്ലെയിമിൽ നന്നായി ഫ്രൈ ചെയ്തെടുക്കാം.
