അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂരിൽ ട്രെയിനില്‍ ഓടിക്കയറാന്‍ ശ്രമിച്ച് പിടി വിട്ട് പ്ലാറ്റ്‌ഫോമിനിടയിലേക്ക് വീണ പെണ്‍കുട്ടി നിസാര പരിക്കുകളോടെ അത്ഭുതകരമായി രക്ഷപ്പെട്ടു. ഇരിട്ടി സ്വദേശിയായ 19 കാരിയാണ് അപകടത്തിൽ നിന്ന് രക്ഷപ്പെട്ടത്. ഞായറാഴ്ച രാവിലെ എട്ടിന് കണ്ണൂര്‍ റെയില്‍വേ സ്റ്റേഷനിലായിരുന്നു സംഭവം.
പുതുച്ചേരി – മംഗളൂരു പ്രതിവാര വണ്ടിയില്‍ തലശ്ശേരിയില്‍ നിന്ന് മംഗളൂരുവിലേക്ക് യാത്ര ചെയ്യുകയായിരുന്നു പെണ്‍കുട്ടി. വണ്ടി കണ്ണൂര്‍ എത്തിയപ്പോള്‍ സാധനം വാങ്ങാൻ ഇറങ്ങുന്നതിനിടയിൽ വണ്ടി വിട്ടു. സാധനം കടയില്‍ വെച്ച് ഓടിക്കയറാന്‍ ശ്രമിക്കുന്നതിനിടെയാണ് വീണത്. തുടർന്ന് യാത്രക്കാരും റെയില്‍വേ പോലീസും കാറ്ററിങ് തൊഴിലാളികളും വിളിച്ചുപറഞ്ഞ് വണ്ടി നിര്‍ത്തിയാണ് പെണ്‍കുട്ടിയെ രക്ഷപ്പെടുത്തിയത്.
അപകടത്തെ തുടർന്ന് ജില്ലാ ആശുപത്രിയില്‍ ചികിത്സ തേടിയ പെണ്‍കുട്ടി പിന്നീട് മറ്റൊരു വണ്ടിയില്‍ മംഗളുരുവിലേക്ക് യാത്ര തുടര്‍ന്നു.
STORY HIGHLIGHT: girl who fell between the train and the platform during the run in had a miraculous escape
