ഈ റെസിപ്പി ഒരിക്കൽ ഉണ്ടാക്കിയാൽ നിങ്ങൾ വീണ്ടും വീണ്ടും ഉണ്ടാക്കും. ചിക്കനിൽ റൈസ് ചേർത്ത് തയ്യാറാക്കിയ രുചികരമായ ഒരു റെസിപ്പി. വളരെ എളുപ്പത്തിൽ രുചികരമായി തയ്യാറാക്കാം. തയ്യാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
ആദ്യം ഒരു പാൻ ചൂടാക്കി അതിലേയ്ക്ക് അല്പം ഒലിവ് ഓയിലും ഒരു സവാള പൊടിയായി അരിഞ്ഞതും ചേർത്ത് കൂടെ രണ്ട് റെഡ് ബെൽ പെപ്പേഴ്സും ഗ്രീൻ ബെൽ പെപ്പർസും കട്ട് ചെയ്ത് ചേർത്തുകൊടുക്കാം. എല്ലാം മിക്സ് ചെയ്ത് വഴറ്റുക. അടുത്തതായി രണ്ടു വലിയ ചിക്കൻ ബ്രസ്റ്റ് പീസ് എടുത്ത് ചെറിയ കഷണങ്ങളായി മുറിച്ചതിന് ശേഷം ഇതിലേക്ക് ചേർക്കാം. കഷ്ണങ്ങൾ വെന്തു കഴിയുമ്പോൾ ഇതിലേക്ക് രണ്ട് തക്കാളി ചെറുതായി അരിഞ്ഞതും 20 ഗ്രാം ടൊമാറ്റോ പേസ്റ്റും ഉപ്പും അര ടീസ്പൂൺ മിന്റ് പൗഡറും അര ടീസ്പൂൺ കുരുമുളകുപൊടിയും അര ടീസ്പൂൺ ഗരം മസാലയും അര ടീസ്പൂൺ കുരുമുളക് ചതച്ചതും ചേർത്തു കൊടുത്ത് വീണ്ടും നല്ലതുപോലെ മിക്സ് ചെയ്തു കൊടുക്കുക. 8 മിനിറ്റ് വരെ മൂടിവെച്ച് വേവിക്കണം.
ഒരു ബൗളിൽ രണ്ട് കപ്പ് അരി ചേർത്ത് കൊടുത്ത് നല്ലതുപോലെ കഴുകി എടുക്കുക. ഇത് വെന്തുവന്ന ചിക്കൻ കഷ്ണങ്ങളിലേക്ക് ചേർത്തു കൊടുക്കാം. കൂടെ ഒരു ഗ്ലാസ് ചൂട് വെള്ളം കൂടി ഒഴിക്കാം. അരി നല്ലതുപോലെ വേവുന്നതുവരെ അടച്ചുവെച്ച് വേവിക്കണം ശേഷം എടുത്ത് സർവ്വ ചെയ്യാം.