അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: മണ്ഡലം-മകരവിളക്ക്കാലത്ത് തീർഥാടകർക്ക് ശുചിമുറി ഉൾപ്പെടെ എല്ലാ അടിസ്ഥാന സൗകര്യങ്ങളും ശാസ്ത്രീയ രീതിയിൽ ഉറപ്പുവരുത്തണമെന്ന് ഹൈക്കോടതി നിർദേശം. ശബരിമല മണ്ഡലകാല ഒരുക്കങ്ങളുമായി ബന്ധപ്പെട്ട ഹർജികൾ പരിഗണിക്കുകയായിരുന്നു ജസ്റ്റിസ് അനിൽ കെ.നരേന്ദ്രൻ, ജസ്റ്റിസ് എം.മുരളീകൃഷ്ണ എന്നിവരുൾപ്പെട്ട ഡിവിഷൻ ബെഞ്ച്.
നിലയ്ക്കൽ, പമ്പ, സന്നിധാനം എന്നിവിടങ്ങളിലും ശരണപാതകളിലും പാർക്കിങ് മേഖലകളിലും അടിസ്ഥാന സൗകര്യങ്ങൾ ഒരുക്കണം. ദേവസ്വം എക്സിക്യൂട്ടീവ് ഓഫിസർ ഇക്കാര്യം ഉറപ്പുവരുത്തണം. അസിസ്റ്റന്റ് എൻജിനീയർമാർ ഇടയ്ക്കിടെ പരിശോധിച്ച് എക്സിക്യൂട്ടീവ് എൻജിനീയർക്ക് റിപ്പോർട്ട് നൽകണമെന്നും കോടതി നിർദേശിച്ചു.
