ഭക്ഷണം പാചകം ചെയ്യാനായി വീട്ടമ്മ എടുത്ത പ്രഷർ കുക്കറിൽ ഉഗ്രവിഷമുള്ള ‘അതിഥി’ – cobra inside pressure cooker

കോഴിക്കോട് താമരശ്ശേരിയിൽ ഭക്ഷണം പാചകം ചെയ്യാനായി പ്രഷർ കുക്കർ തുറന്ന വീട്ടമ്മയെ കാത്തിരുന്നത് മൂർഖൻ പാമ്പ്. കുക്കറിനുള്ളിൽ ചുരുണ്ടുകൂടി കിടക്കുകയായിരുന്നു പാമ്പ്. വീട്ടിലെ അടുക്കളയിൽ സൂക്ഷിച്ച പ്രഷർ കുക്കറിലാണ് ഉഗ്രവിഷമുള്ള മൂർഖൻ പാമ്പ് കടന്നുകൂടിയത്. തച്ചംപൊയിൽ ചാലക്കരയിലെ ഒരു വീട്ടിലായിരുന്നു സംഭവം.

ഭക്ഷണം പാകം ചെയ്യാനായി പ്രഷർ കുക്കർ എടുത്തുവെള്ളമൊഴിച്ച് കഴുകാനുളള ശ്രമത്തിനിടെയാണ് അതിനുള്ളിൽ ചുരുണ്ട് കിടന്നിരുന്ന മൂർഖൻ പാമ്പ് വീട്ടമ്മയുടെ ശ്രദ്ധയിൽ പെട്ടത്. വിവരം അറിഞ്ഞ് കോരങ്ങാട് സ്വദേശി എം ടി ജംഷീദ് സ്ഥലത്തെത്തി മൂർഖനെ പിടികൂടുകയായിരുന്നു.

STORY HIGHLIGHT: cobra inside pressure cooker