അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വെണ്ടയ്ക്ക ഉപയോഗിച്ച് തയ്യാറാക്കിയ അടിപൊളി മെഴുക്കുപുരട്ടി. ഇത് ചോറിനൊപ്പം മാത്രമല്ല ചപ്പാത്തിയുടെ കൂടെയും സ്വാദോടെ കഴിക്കാം. ഇന്ന് ഉച്ചയ്ക്ക് ഊണിന് ഈ മെഴുക്കുപുരട്ടി കൂടെ ആവാം.
ആവശ്യമായ ചേരുവകൾ
- വെണ്ടയ്ക്ക
- സവാള ഒന്ന്
- വെളുത്തുള്ളി രണ്ട് അല്ലി
- കറിവേപ്പില
- പച്ചമുളക് മൂന്ന്
- വെളിച്ചെണ്ണ
- കടുക്
- ഉണക്കമുളക്
- മുളകുപൊടി
- മഞ്ഞൾപ്പൊടി
- ഉപ്പ്
- തേങ്ങ ചിരവിയത്
തയ്യാറാക്കുന്ന വിധം
വെണ്ടയ്ക്ക ചെറിയ കഷണങ്ങളായി മുറിച്ചെടുക്കാം. ഒരു പാനിൽ എണ്ണ ഒഴിച്ച് ചൂടാക്കുക. കടുക് ചേർത്ത് പൊട്ടുമ്പോൾ ഉണക്കമുളകും വെളുത്തുള്ളിയും ചേർത്ത് മൂപ്പിക്കുക. ഇതിലേക്ക് അരിഞ്ഞു വച്ചിരിക്കുന്ന വെണ്ടയ്ക്ക, സവാള, പച്ചമുളക്, കറിവേപ്പില എന്നിവ ചേർക്കാം. മുളകുപൊടി, മഞ്ഞൾപ്പൊടി, ഉപ്പ് എന്നിവയും ചേർത്ത് നന്നായി യോജിപ്പിക്കുക. താൻ മൂടിവച്ച് ചെറിയ തീയിൽ ഇത് നന്നായി വേവിച്ചെടുക്കണം വെന്തുകഴിയുമ്പോൾ ചിരവിയ തേങ്ങ കൂടി ചേർത്ത് മിക്സ് ചെയ്യാം.
