അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡൽഹിയിൽ രണ്ടിടങ്ങളിൽ വെടിവെപ്പ്. കബീര്‍ നഗർ, ജ്യോതി നഗർ എന്നിവിടങ്ങളിലാണ് വെടിവെപ്പ് ഉണ്ടായത്. കബീര്‍ നഗറിൽ ഉണ്ടായ വെടിവെപ്പിൽ ഒരാള്‍ കൊല്ലപ്പെട്ടു. നദീമാണ് മരിച്ചത്. ഒരാള്‍ക്ക് പരിക്കേറ്റിട്ടുണ്ട്. ഇരുചക്ര വാഹനത്തിലെത്തിയ അക്രമികൾ നദീമിന് നേരെ അഞ്ചു തവണയാണ് വെടിയുതിർത്തതെന്ന് കുടുംബം പറയുന്നു. അക്രമികൾ നദീമിന്റെ ഫോൺ കൈക്കലാക്കിയെന്നും ഇവരെ കണ്ടാൽ തിരിച്ചറിയാൻ കഴിയുമെന്നും നദീമിന്റെ കുടുംബം വ്യക്തമാക്കി. സംഭവസ്ഥലത്ത് നിന്ന് തെളിവുകൾ ശേഖരിച്ചിട്ടുണ്ടെന്ന് ഡൽഹി പൊലീസ് പറഞ്ഞു. ആക്രമണത്തിന്റെ കാരണം ഇതുവരെ വ്യക്തമായിട്ടില്ല. സംഭവത്തിൽ ഡൽഹി പൊലീസ് അന്വേഷണം ആരംഭിച്ചിട്ടുണ്ട്.
